Nasaja! Jitren Yum Boh Manok, Jiek Yum Saka
Nasaja Berita | Yum boh manok di Banda Aceh nyang jimeukat di Pasai Al Mahirah kalinyoe ka jitren siangen bak Rp 48.000 saboh papeun, uroe Lasa, (4/2/2025). Teuma meunyo bak pasai laen hom. Meunyo yum saka ka ji ek siribee lam sikilo.
"Boh manok dari yum 52 ribee ka jitten bak 48 ribee saboh papeun, nyan ka sibuleun nyoe lah," calitra Yusri nyang meukat sembako di pasai Al Mahirah.
"Boh itek mantong 3 ribee saboh, meunyo boh puyoh 48 ribee saboh papeun, mantong lagee sot," sambong gobnyan.
Teuma geupeugah le gobnyan meunyo yum saka lam sigo minggu nyoe ka ji ek, dari awainyum 18 ribee ka jeut keu 19 ribee sikilo.
Keu yum minyeuk mantong stabil, 19 ribee si kilo. Nyan minyeuk croh eungkot, keu minyeuk honda atawa minyeuk moto, suah jak u galon, padum yum neujak kalon keudroe.
Keu yum teupong breuh biet mantong 8 ribee sikilo, meunyo yum kacang ka jitren siangen, ka 24 ribee sikilo dari seugolom jih 28 ribee.
Keu kacang ijo dan kacang kuneng mantong yum 24 ribee dan 15 ribee sikilo ijih.
Pokok jih ube na asoe meuneukat bak lapak nyan mandum geupeugah padum yum. Alah kon droe teuh tanyong, hak droe ih, lheuh tatanyong ka han ek tatuleh kiraju.
Meunan Apa baca bak AJNN.
0 Response to "Nasaja! Jitren Yum Boh Manok, Jiek Yum Saka"
Post a Comment