Dek Fadh Komit Program Kesehatan Teutap nyang Utama
Nasaja Berita | Wakil Gubernur (Wagub) Aceh nyang teupileh baroesa, Fadhullah atawa nyang akrab geusapa deungön nan Dek Fadh, geupeuteugaih keulayi komitmen untuk keubiet geudukong sektor kesehatan, terutama that bagi masyarakat nyang kureung mampu lam hai raseuki atawa masyarakat gasien.
"Ka tateupu nyang bahwa karap tiep uroe na masyarakat nyang mengeluh dan peugah hai teuntang han sep ubat seurta kureung fasilitah kesehatan laen," kheun Dek Fadh lheuh meujak saweu rumoh singgah BFLF lam rangka peuingat HUT keu-17 Partai Gerindra, Hameh, (6/2/2025).
Seubagoe pasangan dari Gubernur teupileh Mualem atawa Muzakir Manaf lam pilkada baroesa, Dek Fadh meupeutaukid nyang bahwa lam poemerintah Aceh ukeu akan geuluncurkan padum-padum boh program sososial terutama lam bideung kesehatan. Program nyan tujuan jih eunteuk peupasti pelayanan kesehatan nyang leubeh got bagi masyarakat, terutama that keu pasien nyang saket brat (kronis) dan nyang kureung sijahtra lam hai ekonomi.
"Nyoe jeut keu komitmen kamoe," kheun Wagub.
Meunurot Dek Fadh, perhatian poemerintah keu masalah kesehatan nyang na di Aceh beujeut keu prioritas. Hanjeut meunan-meunan. Geuharap nyoe langkah nyoe beujeut keu tahap phon untuk peugot layanan kesehatan leubeh got dan merata di seluruh wilayah Aceh.
“Dan tugah tanyoe mandum untuk ta bangun Aceh beu leubeh jroh." kheun Dek Fadh.
Meunan Apa baca bak RmolAceh beuklam. Ka teulat meubaca nah, lagee haba itu, kureung apeudet siangen.
0 Response to "Dek Fadh Komit Program Kesehatan Teutap nyang Utama"
Post a Comment