Pu Paleh Kiraju! "Pajoh" Aneuk Miet Galak, Ban Keunong Takat Ka H'an Ek Theun

 

Nasaja Berita - Banda Aceh, Pah paleh sagam nyoe kiraju, aneuk miet jiperkosa. Teuman kon keubiet paleh. Padahai nan leupah got kiraju. Roni bin Hasan. Alah jiteume drop le awak WH. Dan ka jibrie hukuman lagee atoran hukom nyang na di nanggroe Aceh, nanggroe meusyari'at. Meuh'an ka jadeh Apa koh boh lolo, beu bek tinggai le.

Roni Bin Hasan  jatah keunong hukom 169 go seupot cambuk di Taman Sari, Banda Aceh, bak uroe Hameh (24/9) bunoe. Teuma baro 52 go keunong takat, ka suah menyerah, h'an ek jitheun, brat peudeh sang.

Watee jitakat le algojo, peut go teuduek sagam nyan. Sampe-sampe le algojo suah piyoh siat. Ban jipareksa le panotoa siat, lheuh nyan jitakat lom.

Pah trok bak 52 go, keubiet han le jitheun, sampe suah oeutamong lam ruangan, untuk jak pareksa kiban kondisi kesehatan jih.

Rupajih brat luet sagam nyan, kakeuh suah piyoh. Hana meulanjot le. Jadi pajan sit jilanjot lom seupot sagam nyan, eunteuk pajan-pajan.

Watee jipareksa nyan le Anggota Publik Safety Center Dinas Kesehatan Kota Banda Aceh, dr Sarah, geupeugah nyang bawah brat luet jih, makajih geupeupiyoh. Meuhan bahaya keu jih.

“Meunyo jadeh ta lanjut bak uroe nyan, jiteume meudara-darah sagam nyan. Jadi kakeuh ta peupiyoh ilee, eunteuk watee ka meurie sehat jih ta takat lom." kheun bu doto nyan.

Terpidana Roni nyan ka terbukti salah meunurot vonis majelis hakim Mahkamah Syariah seubab ka melanggar Pasal 50 jo Pasal 1 Angka 30 Qanun Aceh Nomor 6 tahun 2014 tentang hukum jinayat.

Jatah droe sit 175 go keunong seupot sagam nyan. Teuman seubab na koh 6 buleun penjara, jadi kakeuh tinggai 169 go sagai. 

meunyo seumpat Apa jeut keu hakim, boh lolo meuyu koh bak algojo. Makajih Apa han jeut keu hakim. Seubab meunyo Apa nyang jok hukoman, nyan hana meuteume jak baca atoran hukom. Asai brat meulanggeh, meukhum ju meuthok pale.

Meunan Apa baca bak Kanal Aceh nyang jituleh le Randi.

Share this post