PLT Gubernur Jak Peuphon Panen Boh Ubi u Aceh Timu
Aceh Timu | Pelaksana Tugas atawa Plt Gubernur Aceh Nova Iriansyah sajan Bupati Aceh Timur, Hasballlah M. Thaib, atawa nyang saban ta ture nan le geutanyoe Rocky jak bak panen raya, untuk panen phon boh ubi ngon kacang tanoh di Gampong Titi Baro, Kecamatan Idi Rayeuk, Aceh Timur, bak uroe Sabtu tanggai 12 buleun 9 baroe.
Geupeugah le Pak Nova pu nyang ka geupelaku le masyarakat nyan nakeuh bagian dari dukungan bagi Gerakan Mandiri Pangan atawa nyang geusingkat dengon nan program Gampang, ata ka geucanang le poemerintah Aceh.
"Pu nyang ka ta panen le geutanyoe uroe nyoe nakeuh saboh bagian daripada gerakan gerakan mandiri pangan. Taharap bak Poe, hasil jih beu maksimal," kheun Pak Nova.
Boh Ubi atra jipula le Kelompok Tani, Koperasi Karya Mandiri gampong Titi Baro Kecamatan Idi Rayeuk. Hana kureung bak 10 hektare lah bak daerah meubuket la wilayah nyan.
Meunurot Geuchik Titi Baro, Muhammad Adam, nyang bantu seureuta brie dukungan untuk pula bak ubi ngon bak kacang nyan nakeuh CSR Bank Aceh Syariah. Nyang bek tanyong bak Apa pu atra CSR nyan, seubab Apa hana meuphom peukara awak Bank. Le that istilah dan program awak Bank, laen-laen nan, han ek ta aphai. Bak berita phon, pih tan jipeugah singkatan dari pu CSR Bank Aceh Syariah.
Jadi geuucap terimakasih beu rayek that keu Bank Aceh ngon Plt Gubernur nyang ka geutem seudia watee untuk ikot jak peuphon panen dari ata nyang ka geupula le masyarakka nam buleun ka leupah.
"Na lahan 10 hektare, dan nam sit kacang tanoh nyang ta pula seucara tumpang sari," kheun Geuchiek Adam. Pu atra tumpang sari pih tan meuphom. Aleh pat beda ngon tumpang laen,, pih hom.
Meunan Apa baca bak AJNN beuklam
0 Response to " PLT Gubernur Jak Peuphon Panen Boh Ubi u Aceh Timu"
Post a Comment