Nova: Insentif Awak Medis Kon Janji Poemerintah Aceh, Inline Poemerintah Pusat
Nasaja Berita - Singkil, Watee geujak u Singkil baroe untuk geujak tinjau rencana pengot jalan lam program proyek multiyears, Pak Plt Nova Iriansyah na geusinggong bacut keu masalah insentif bagi teunaga kesehatan nyang uroih pasien corona.
Geupegah le Pak Nova, masalah insentif nyan kon janji gobnyan, tapi nyan nakeuh program pomerintah pusat.
"E masalah insentif teunaga medis, nyan suah ta peutrang hai bapak-bapak seukalian. Nyan kon janji lon tuan. Tapi nyan program Presiden." kheun Pak Nova watee jitanyong le awak wartawan di gampong Kuala Baru Laut, Kuala Baru Aceh Singkil, bak uroe Seulanyan baro.
Jadi menurot Pak Nova, salah meunyo na ureung nyang pike nyan janji poemerintah Aceh. Makajih geusambong lom haba lheuh nyan, seubab watee jitanyong bak gobnyan pukeuh nyan janji gobnyan seulaku poemerintah Aceh.
"Nyan nyang ka salah, nyan hana meujanji-janji hinan. Ijih nyan Inline, saboh gareh. Mulai dari program presiden, gubernur, bupati sampe trok bak gechiek ju. Termasuk program Gebrak Masker baroesa. Nyan kon parsial/ meukleh dari gubernur atawa bupati. Nyan perintah presiden, beutrok u gampong-gampong. Sampe trok bak masker nyan ata dari presiden." lanjot Pak Plt Gubernur Aceh.
Bek ilee, na meuphom pu Inline nyan? Nyan mekeusud jih, saboh gareh dan mantong lam gareh nyang sama. Kiban perintah sideh, meunan buuet disinoe sampe trok u gampong. Peng dari hideh mandum, nyang keurija awak di daerah. Sang meunan, ubee Apa peuphom meunan. E, meunyo kon, kakeuh kon.
Teuma lagee haba Apa peugah beuklam nah. Le teunaga kesehatan ka h'an ek jipreh le. Ka dari buleun padum ka jikeurija. Nyang meujanji pih hana ek geupeunyata lom. Maka sit ka trok watee le tenaga kesehatan untuk proteh bacut-bacut, jak tungge janji. Di awak rumoh saket di Aceh tuggee ba gbernur Aceh, ka cocok, pu lom na surat watee nyan dari Gubernur keu awak rumoh saket. Bahpih nyan kadang, nyoe haba kadang beh, surat nyan seubagoe sambong haba dari janji Presiden Jokowi.
"Memang golom mandum jibrie, golom terealisasi. Meunurot daerah." kheun Pak Nova.
Bak berita masalah insentif nyang Apa peu ek beuklam, adak Gubernur-gubernur di Jawa hideh pih ka mulai saket ulee bak pike hana cae keu insentif nyan. Seubab sayang geuh keu awak rumoh saket nyang ka meudarah-darah bak jitangani pasien corona.
0 Response to "Nova: Insentif Awak Medis Kon Janji Poemerintah Aceh, Inline Poemerintah Pusat"
Post a Comment