Leupah Kha Awak Nyan! Jitagun Buya Nyang Kap Ureung Keumawe
Nasaja Berita - Thailand, Hana ubat kiraju awak gampong nyan. Bek takheun ngon ureung, ngon buya lam krueng jiteujeut peugot reman. Nyan keuh nyan peukateun awak gampong di distrik Rayong, Muang, Thailand.
Jadi calitra jih, buya nyan ijak kap ureung keumawe sampe putoh jaroe geuh. Bak uroe Hameh tanggai 17 baroesa. Ban jiteume, jipoh buya han jituho kiniep neukiraju. Keureupak-keureupuk jihambo.
Ukuran watee ta kalon, sayang teuh keu buya. Teuma alah hana ta kalon, pu sayang teuh teuman. Lheuh jipoh, jipeusieng, jitagun, pajoh rame-rame. Ukuran sep keu ji meukhanduri keu sabe droe jih. Nyan ka Apa pateh, sep keupoding, lheuh hek man sibak uroe ta meulho buya, abeh teunaga teuh.
Yongyut Hararat, 52 thon, nan warga gampong nyang keumawe dan jikap le buya nyan memang seulamat geuh. Kiban han seulamat man, sebab na soe kalon. Hai rakan-rakan keumawe nyan. Jigrop awak nyoe lam lueng nyan, jipeseulamat geh, sira jitakat buya le awak nyoe.
Yongyut seulamat jiba u rumoh saket. Jinoe ka seutabil kondisi si Yongyut nyan.
Meunurot calitra rakan si Yongyut nyan, awak nyan jitakat buya, lheuh nyan jitagun nyan, tok seubab icaih that keu buya nyan. Balaih dendam gara-gara jijak kap si Yongyut. Ukuran nah, ka hana meuteume eungkot bak keumawe, meuteume buya pih ka jeut.
Meunurot nyang ka geukira-kira le warga sinan,, nyan buya nyan pasti ata lheh dari peternakan buya di daerah nyan. Pu lom peternakan buya sagoe nyan ka suah gulong lapak. Rugo meubak kiraju. Kakeuh tan soe brie eumpeun le. Ijak mita umpeun di lua. Jaroe si Yongyut jet keu umpeun buya. Jibalah le warga, ka buya nyang jeut keu umpeun taku awak nyan. Nasaja kiraju berita.
Ata Apa bak Tempo.co. awak nyan jicok berita bak https://www.asiaone.com/asia/crocodile-thailand-caught-and-cooked-after-brutal-attack
0 Response to "Leupah Kha Awak Nyan! Jitagun Buya Nyang Kap Ureung Keumawe"
Post a Comment