Ka Sah Yayasan Masyarakat Aceh Surakarta, Rayek Harapan Ureung Nyoe
Nasaja Berita - Solo, Yayasan Masyarakat Aceh Surakarta kalinyoe ka resmi dan ka sah seucara hukum neugara lheuh ka jiteubiet akte ateuh nan Yayasan Masyarakat Aceh Surakarta deungon nomor AHU-0015574.AH.01.04 thon 2020 le Kementerian Hukum dan HAM Republik Indonesia bak uroe Jeumeu'at tanggai 11 September 2020. Deungon pendiri dr. Yulidar Hafidz, Sp. A (K), Syarief Tarmizi, dan DR. Razali Ismail Ubit, M.Si.
Deungon ka lahe surat akte nyan ureung nyoe geupegot acara khanduri syukuran sabe keudroe bak malam jih.
Geupeugah le salah sidroe pengurui Yayasan Masyarakat Aceh Surakarta H. Adi Fauzi Melhan lam acara tasyakuran nyan, harapa ureung nyoe rayek that deungon ka resmi dan sah Yayasan di mata hukom, maka beumaken meusaboh hate ureung Aceh lam ranto, terutama nyang di Solo Raya nyan.
"Nyoe ban ka na akte ateuh nan yayasan, maka seugala bantuan atawa pu laen nyang ateuh nan Masyarakat Aceh Surakarta ka jeulaih seucara admistrasi. Bek sampe na keujadian lake bant ateuh nan Masyarakat Aceh Surakarta, tapi rupajih ka na kepentingan laen ateh nan pribadi. Nyan ka brat h'an ek ta lieh kiraju," kheun Adi Fa, seulaku rakan Apa bak peseubok.
Le Bang Adi Fa geuharap semoga ukeu eunteuk pu nyang geuharap le ureung nyoe lam ranto beu segera nyata, na wujud. Nyang paleng phon that nakeuh Menasah atawa asrama keu mahasiswa Aceh, lagee nyang ka lheuh tom meupeugah-peugah lawet nyoe.
"Lam watee toe nyoe, bak tanggai 22 buleun November 2020 eunteuk ta rencanakan peuphon bangun Meunasah atawa asrama nyoe jeut keu agenda paleng phon ban ka sah dan resmi Yayasan. Tasyakuran alakadar nyoe hana sie lah." nyan ban geutop haba le Bang Adi Fa bak Apa Raban, baroe beungoh. Teuma inoehat baro trok meupeu ek berita. Nasaja kiraju.
0 Response to "Ka Sah Yayasan Masyarakat Aceh Surakarta, Rayek Harapan Ureung Nyoe"
Post a Comment