Ka Paloe Hai! Trok Bak Waki Bupati Pidie Teupeh Corona Kalinyoe
Meunurot info nyang kalheuh ji konfirmasi le awak AJNN baroe, le Dek Fad ka geupeubeutoi nyang bahwa droegeuh nyan positif teupeh ngon corona lheuh jipareksa le peutugaih bak RSUD Tgk Chik Di Tiro, Sigli.
"Beutoi, lon jipeugah positif covid lheuh jites swab bak tanggai 2 September baroe, hase jih baro meuteupu bak tanggai 10 baroe." kheun Fadhlullah.
Memang geuakui keudroe le Dek Fad bahwasajih baroesa nyan gobnyan na gejala lagee suum asoe, mumang, batok, makajih bak tanggai 2 jak tes, jicok sampel le peutugaih.
Hana kureueng bak 8 uroe baro jiteubiet hase positif lheuh jicok sampel untuk tes swab.
"Meunyo isolasi, sit ka dari lheuh jicok sampel untuk tes bak tanggai 2 September," kheun Waki Bupati Pidie nyan.
"Hai jinoe, alhamdulillah ka aman, ka mulai sehat. Bak uroe Jeumeu'at pih kalheuh ji tes ulang, mangat jeut jikalon hase eunteuk pu keuh mantong positif atawa ka negatif." sambong Waki Abu Chiek.
"Meunyo kondisi keluarga sehat mandum, hana meunoe meudeh." nyan ban geutop calitra le Dek Fad.
0 Response to "Ka Paloe Hai! Trok Bak Waki Bupati Pidie Teupeh Corona Kalinyoe"
Post a Comment