Ka Lom! Awak Edit Foto Waki Presiden Teungoh Jimita Le Peulisi
Nasaja Berita - Medan, Polda Sumatera Utara (Sumut) kalinyoe ka jimulai jak lacak awak edit foto Waki Presiden K.H. Ma'ruf Amin, jak sandeng poto beliau mantan Ketua MUI nyan deungon poto sagam tuha dari Jepang nyang di Indoneh nyoe terkenal deungon nan Kakek Sugiono.
Rupajih Apa tuha Jepang nyan artih film blue. Teuma na paleh awak Indoneh, jitem edit poto sidroe waki presiden, seukaligh sidroe ulama rayek di Indoneh nyoe deungon poto Apa tuha paleh dari Jepang. That kureung aja biet, neukiraju.
Meunurot geupeugah le Kepala Bidang Humas Polda Sumut Kombes Tatan Dirsan Atmaja bak uroe Lasa (29/9) baroe, "mantong lam tahap penyelidikan di di wilayah Tanjungbalai,"
Meunurot jipeugah le Pak Tatan nyan, pihak ureung nyan teungoh geukalon hoe rot jeut keunong pidana. "Nyoe ka ta koordinasi ngon awak Polda untuk ta selidiki ilee." kheun gobnyan.
Nyang paleh jih, kon cuma jipeusandeng poto meunan sagai, tapi na jituleh lom, meunoe lam basa indoneh jih, 'Jangan kau jadikan dirimu seperti Ulama tetapi kenyataannya kau penjahat agama. Di usia Senja Banyaklah Berbenah untuk ketenangan di Alam Barzah. Selamat melaksanakan Ibadah Shalat Jumat'.
Meunyoe lam basa Aceh jih, "Bek kajak peu ulama-ulama droe keuh, padahai awak reuloh agama. Ka tuha, beu le peutimang ibadat untuk mdah la kubu singoh. ..." Nyan neukalon, teuma kon meutree paleh awak peugot meunan. That phak ka akhlak kiraju.
Juru Bicara Wakil Presiden Ma'ruf Amin, Masduki Baidlowi kalheuh geulake tulong bak aparat kepolisian untuk bereukah pelaku nyang peugot/ edit foto nyan dan awak sebar.
"Lon kira, nyang hana pateh keu hukom nyan ya beujitindak le aparat hukom. Meunyo aparat nyoe tegaih, nyan ka meu etika dan jra awak pelaku nyan." kheun Masduki.
Meunan Apa baca bak CNN Idonenesia
0 Response to "Ka Lom! Awak Edit Foto Waki Presiden Teungoh Jimita Le Peulisi"
Post a Comment