Insentif Awak Kesehatan Hana Cae, Ube Na Gubernur Abeh Gabuk Dum
Ban Apa pareksa bak internet bunoe, rupa-rupajih rap rata daerah Provinsi saban masalah. Bak Republika Apa baca, nyang brat meupep-pep masalah nyan Ganjar Pranowo, gubernur di Jawa Tengah. Hai di gobnyan seulaku saboh partai geuh, sabe-sabe Jawa geuh sideh, hana jeut peucae sit lom. Padahai ka tho ie babah ka bak geu meujanji. Dan ka tho ie reuoh awak tenaga kesehatan bak jikeurija. Na nyang ka syahid sit, wap hek that ji tangani pasien corona, hoe keu si uroe meutamah laju-laju.
Teuman di Pak Nova seulaku Plt Gubernur Aceh kon ka meu'oh ju. Di posisi nanggroe ba ujong pulo Sumatera lagee haba itu. Kakeuh suah saba beu rayek. Leubeh bak nyan adakk Apa puh hana meuteup peugah.
Kon h'an mungken Apa yu piyoh keurija, bek tem le tangani awak pasien corona. Ka nyan tugaih seulaku doto ngon perawat dum.
Seubab jipeugah le awak Jawa Barat, Daud Achmad, seulaku Sekretaris Gugus Tugas Percepatan Penanganan Covid-19 sideh. Data awak nyan kalheuh jijok u pusat, tapi le pusat mantong sit gohlom lengkap data. H'an neupateh, neubaca keudroe bak Republika nyan, awak nyan lam basa Indoneh jiteumuleh.
Seudangkan sideh di Bekasi, meunurot janji, lam buleun nyoe cae, meunan Apa baca bak Okezone bunoe supot. Aleh keubiet cae pih hom.
Pu lom atoran lam buleun 7 baroesa ka meuubah lom. Jinoe ka na atoran baro, lam Keputusan Menteri Kesehatan (Kepmenkes) nomor HK.01.07/MENKES/392/2020 tentang pemberian insentif dan santunan kematian bagi tenaga kesehatan yang menangani corona virus Disease 2019 (Covid-19).
Nyan revisi ata Kepmenkes seugolom jih, nyakni nomor HK.01.07/MENKES/278/2020. "Beda jih bak proses verifikasi dokumen pengajuan insentif," nyan nyang Apa baca bak Kompas.com
Nyang jitakot, na nyang ka meureumpok, dan le nyang goh meureumpok. Ka pasti lagee calitra bagi BLT baroesa ju. Karu man saboh nanggroe. Pu lom meunurot calitra, jikirem langsong bak rekening pribadi dari pusat.
Teuman menyo karu awak tenaga kesehatan, kon jipeuubat teuh, jisuntik mate pasien dum. Meu meuramah teuh teuk mandum. Meuh'an jiboikot h'an jitem keurija, nyan pih sibok geutanyoe. Memang jatah jih sit keu awak tenaga kesehatan han jeut peutrep. Nyan peukara mustahak that.
Teuman ka lagee haba nyan. Di pusat meumasalah, meunurot berita hinan. H'an bereh-bereh ju data bak awak nyan. Teuman nyang tukang kirem data u pusat nyan, nyan tugaih awak dinaih kesehatan. Pu keuh kalheuh geu hendel le pak Kadis kesehatan Nanggroe Aceh keudeh u Kementrian Kesehatan Pusat. Di Pak Kadih suah tanyong dan lakee data bak awak rumoh saket. Di awak rumoh saket, bak soe jilakee data? Nyan hom ih.
Nyan suah ta yu tanyong bak Pak Nova beubagah. Seubab meunyo han geupeujeulaih beusigra le Pak Plt, takot roh Apa tanyong langsong eunteuk, kon ka hana meu'oh ban nah. Sang-sang Apa nyang jeut keu Gubernur Aceh. Padahai hana meurencana keuneuk ek ke calon pih bak Pilkada ukeu nyoe. That na teuh. Nasaja kiraju
0 Response to "Insentif Awak Kesehatan Hana Cae, Ube Na Gubernur Abeh Gabuk Dum"
Post a Comment