Di Banda Aceh, Hana Pakèk Masker Langsông Keunöng Hukôm di Teumpat
Nasaja Berita - Banda Aceh, Mulai uroe nyoe, Lasa tanggai 15 September 2020, ka na peraturan dari Walikota (perwal) Banda Aceh lumbôi 51 teuntang Penerapan Disiplin dan Pengakan Hukôm Protokal Kesehatan dan Pengendalian Covid-19. Ka resmi geutetapkan.
Nyan mandum hasé daripada keuputusan bak rapat Forkopimda Banda Aceh deungön SKPK nyang meuurusan ngön masalah nyan di Balèe Keurukôn, Balai Kota Banda Aceh uroe Seulanyan tanggai 14 baroe.
"Nyoe lagèe lam hasé duek pakat sajan Pak Kapolresta dan Dandim 0101/BS, mulai uroe nyoe akan ta peugöt razia dan ta brie sanksi hukôm." Kheun Pak Aminullah.
Meunurôt Pak Amin, masa sosialisasi perwal nyoe na sanksi bagi nyang meulanggar 4 peukara: hana pakèk masker, masalah rhah jaroe, jaga jarak dan bèk duek lam kawan ramèe ka seuleusoe masa sosialisasi jih.
"Nyoe ka trôk watèe ta operasi. Razia dan brie sanksi ka ta mulai supôt nyoe. Seugolom jih bak beungöh uroe bunoe kalheuh na apel dan na pembekalan keu peutugaih." Sambông Pak Walikota Banda Aceh.
Nyang tren u lapangan na dari Satpol PP/WH, Peulisi dan Tantra TNI dan awak dinaih meupadum droe.
"Watèe razia eunteuk, keu sanksi jih langsông bak teumpat keujadian. Pu keuh bayeu denda atawa ta yu keurija sosial untuk beujra ureung nyang langgar atôran." Kheun gobnyan.
Perwal 51 nyoe asoe jih na meuatô teuntang sanksi. Meunyo untuk pribadi ureung nyang batat, sanksi sosial jih peugléh teumpat umum dan teumpat ibadah, 2 jeum. Atawa bayeu denda 100 ribèe rupiah.
Na sit lom seulaén dua macam sanksi nyan. Yu azan, beut dan aphai juz amma dan peuwajéb jak beut di gampông seulama peut uroe meuturôt-turôt.
Meunyo keu kaphé nyang kön agama islam, nyan akan geusesuaikan keulayi.
Bèda lom meunyo keu poe useuha, awak kelola, urjeung nyang tanggông jaweub bak acara nyan. Ureung nyan keunöng denda 250-500ribè rupiah, meunurôt ubiet rayek poe usaha. Leubèh nibak nyan, suah tôp teumoat keurija sementara watèe. Nyan ban. Pokok jih masker beu na sabé lam kéh, ka hana ta pakèk beu na ta ba. Dan bèk na rencana pakèk masker teungöh jép kupi atawa p'iep rukok, meulabô teuh.
0 Response to "Di Banda Aceh, Hana Pakèk Masker Langsông Keunöng Hukôm di Teumpat"
Post a Comment