Uroe Raya, Warga Aceh di Solo Silaturrahmi, Sie Kureubeun Meuleumak Rame-Rame
Nasaja Berita - Solo, Leupah can uroe raya haji kalinyoe di ureung tanyoe sideh di Solo. Sideh lam ranto geu meuuroe raya. Adak lam pandemi teutap meurasa. Lheuh meureumpok duek silaturrahmi sabe keudroe-droe aneuk nanggroe, na sie kureubeun lom. Seudeukah kureubeun dari ureung droe teuh.
Acara sideh na tema, beda ngon geutanyoe meu uroe raya biasa di gampong. Tema jih, “Silaturahmi Warga Nanggroe di tengah Mitigasi Pandemi Covid-19 & Dalam Rangka Hari Raya Idul Adha 1441 H". Acara geupeuduek bak Gerai Coffe Jajar, Uroe Aleuhad tanggai 02 Agustus 2020 baroe.
Menurot geupeugah le Wellizar seulaku Pengururoih Yayasan Masyarakat Aceh Surakarata, taharap deungon meureumpok bak acara meunoe, sesama geutanyoe warga Aceh nyang na lam ranto, kusuih jih di Solo Raya beu na rasa meusaboh droe. Saleng ta dukong, pu nyang mungken. Materil, moril, spirituil, dan ube na il il laen lom. Pu lom nyoe jinoe teungoh masa pandemi. Ka teunte trok bak ekonomi teuh kacho gelombang. Baroeken lancar, jinoe ka meucr'et-cr'et.
"Teuman ban ka meureumpok meunoe, kon ka leumah masalah, ka jeut ta bantu. Paleng han ta brie bantuan motivasi." Kheun beliau nyan.
Seudangkan le Ketua Dewan Pengawas Yayasan Masyarakat Aceh, Adi Fa geusampaikan terimakasih nyang that lambong bagi warga nanggroe nyang na di Solo dan ka trok teuka bak teumpat acara.
"Alhamdulillah, bah pih lam masa covid lagee nyoe, teutap neutem jak peuramee. Saban-saban hek ta keurija, ta sisih bacut teunaga bak acara nyoe guna ta peukong syedara lam ranto. Nyang peunteng protokol kesehatan teutap tajaga dan ta pubuet lagee ji yu." Kheun Temenggung Adi Fa.
Lheuh nyan geu sambong lom, nyang bahwa ijih deungon beu kompak keuh jeut saleng ta dukong dan ta berbagi. Jadi ada pandemi meunoe hana jeut keu saboh masalah nyang peukureung nilai dari seumangat uroe raya haji." Lagak that haba bak geupeulheuh le Bang Adi Fa karap lagee asoe khutubah Apa deungo baroesa.
Dalam acara nyan na sit hadir padum-padum droe tokoh masyarakat Aceh sideh, lagee Razali Ismail Ubit, Sayed Ismail, Kepala Daerah Imigrasi Surakarta, Asraruddin, Petani Aceh di Solo, Ustad Rahmad, Tgk. Arief Fauzi, Pimpinan Pesantren Aceh, Mayor Reza Syahputra, Mayor Fahrul dan Mahasiswa Aceh Ziyad, Muklas seureuta Maidatul Akmal.
0 Response to "Uroe Raya, Warga Aceh di Solo Silaturrahmi, Sie Kureubeun Meuleumak Rame-Rame"
Post a Comment