Yum Sawet Jinoe Meu keu Pangkai Han Jigisa, Andira Husen: Poemerintah E, Neutulong Kamoe!
Nasaja Berita - Aceh Utara, Diteungoh suasana pendemi covid19 lagee nyoe, ramee that ureung geutanyoe nyang gadoh mata pencaharian, gadoh bet. Seudangan bahan pokok di pasai meutamah meuhai laju-laju. Nyang brat lom paloe, yum komoditas tani ata masyarakat malah hana yum sagai. Be ta kheun keu laba, meu keu pangkai han jiwoe. Salah saboh komoditas di Aceh utara adalah meutani sawet.
Harga tandan buah segar (TBS) di kabupaten Aceh Utara jitren, ukuran ka bak yum nyang paleng rendah lam seujarah. Pakiban han, TBS jipeuyum 600 atawa 750 rupia sagai sikilo. Nyan meunyo jibloe bak petani. Seudangkan di pabrek kelapa sawet yum jih trok 1.000 rupia jikira sikilo. Teman kon 300 rupiah beda yum jih dari yum ata bak petani. Nyan sikilo. Meunyo na meu 3 ton, ka lheereutoh ribee beda harga. Phak lheh kiraju.
Jitron yum TBS sawet kalinyoe, ukuran jiteume mumang petani sawet. Hai kiban han roh, adak beurangkaban geumita cara, bek takheun keu laba, keu pangkai meutani han jiwoe. Nyan dum. Ukuran bek takheun keuneuk puwoe peng u rumoh, meu ke lam lampoh sawet suah tamah pangkai.
Andira Husen (25) pemuda Tani di Aceh Utara geupeusampoe bak Nasaja Berita bahwa abeh mumang dum ureueng pula sawet jinoe.
"Jinoe hai Apa, yum sawet nyan han glah meu keu kupi pih. Yum ka dumnan brat teuh. Pat ta keuneuk cok laba. Nyan lam dum nan yum ka rugie teuh. Meutamah lom ngon ta baye eungkoh angkot. Seubab panen sawet on lagee panen camplie, jeut ta keurija sidroe teuh. Eungkoh ta yu angkot bak awak nyoe lebeh meuhai daripada yum sawet, han keumah, mepingkom teuh." kheun Andira Husen.
Lhueh nyan jipeugah lom nyang bahwa kondisi petani sawet uroe nyoe leumoh total, pu lom diteungoh wabah ta'en lagee nyoe. Han ibi jak sahoe,
"Ka lam lhee buleun nyoe yum TBS sabe jitren dari 950 sikilo. Nyoe kondisi lagee nyoe rupa, jeulaih ju kamoe petani sawet mepikeran. E meunyo keu calitra rugoe, sit boh ka deuh nyan. Hana dawa. Seubab menurot long peutren boh thek-thok, paleng kureueng jibloe yum sawet nakeuh 1.000 rpiah per kilo. Meunyo kureueng nibak nyan, jeulah rugoe alias rubah kamoe "
Kareuna nyan keuh nah, le petani sawet that brat meuharap bak Pemkab Aceh Utara supaya geumita solusi bacut mangat bereh masalah nyoe.
"Pemkab jioe beu geutem bantu, beu geu tren u lapangan, u pasai, untuk jak kalon dan jak panto yum komoditi pasai, terutama sawet. Beubeutoi lagee di lapangan. Bek sampe na okeunum-okeunum nyang jak mita laba ateuh ie reuoh kamoe. Ateh rugoe jimita laba, adak meusaban laba ka hom lah. Pakon long peugah meunan, seubab kelapa sawet kajeut keu komoditi peunteng lam pengembangan ekonomi masyarakat disinoe." kheun aneuk muda nyan.
Hana kureung bak 25% masyarakat Aceh Utara meungantung udep dari buet meutani sawet, makajih disaat yum sawet murah, dampak jih langsong teupeh dan meurasa bagi perekonomian masyarakat.
"Kiban cara ta peuseujahtra petani meunyo yum jibloe komoditas ata petani haselkan hana sebandeng dengan biaya produksi nyang geu peutubit." meunan geutop haba le Andira Husen.
0 Response to "Yum Sawet Jinoe Meu keu Pangkai Han Jigisa, Andira Husen: Poemerintah E, Neutulong Kamoe!"
Post a Comment