That Paloe Kiraju! Sampe Buleun Mei, Na 2.397 Boh Peukara Lakee Cre di Aceh
Nasaja Berita - Banda Aceh, That paloe ka lagoe. Pakon ka meunoe calitra lam nanggroe. Leupah jai ka ureueng Aceh nyang jak lakee cre ngon lakoe. Meunurot info dari Mahkamah Syariah Provinsi Aceh peukara lakee gugat cerai nyang teungoh jitangani le awak nyan hana kureung bak 1.737 kasus dari total 2.397 perkara.
Meunurot geupeugah le Panitera Muda Mahkamah Syariah Aceh Abdul Latif, di Banda Aceh, uroe Rabu baroe dari buleun Januari sampoe buleun Mei 2020, kasuih cre di Aceh na 2.397, cree taleuk na 660 perkara, dan cerai gugat 1.737 perkara. Teuman kon brat buet. Le ureueng inong nyang lakee cre lakoe daripada lakoe nyang cre peurumoh. Pu na masalah ngon lakoe di Aceh dum.
“Nyoe nyang ka ta cok keputusan na leubeh kureung 2.108 boh perkara, sisa nyang mantong lam proseih dan na sit nyang ka ek ta peudame keulayi." kheun Abdul Latif. Meunyo di gampong Apa, asai na nan Latif, teutap meu meuhei teungku Lateh. Jadi Apa lakee idin sinoe bah teungku Lateh mantong Apa meuhei, mangat leubeh meurasa dan biasa bak babah Apa. E han neupeuidi, kakeuh Apa lakee meu'ah.
Nyan seubeutoi jih ka mulai meukureung, ta kalon lam masa pandemi corona nyoe. Meunan calitra dari beliau nyan.
Geupeugah le beliau nyani 23 kabupaten/kota di Aceh, angka perceraian paleng le na di Aceh Utara, 280 boh perkara, di Bireuen na 200 perkara, di Aceh Timur na 167 perkara, dan di Aceh Tamiang 152 boh perkara. That paloe teuh, bak meukawen han meuteume reupah tanggai dum. Lheuh nyan ka lake cre.
Meunurot teungku Lateh masalah paleng brat nakeuh karu sabe lam rumoh tangga. Na nyang lakoe geujak hana geuwoe-woe, na sit nyang peurumoh jak, hana woe-woe. That paloe kiraju. Hinan keuh meumasalah jeut keu cre. Meunyo keu masalah ekonomi dan KDRT, gasa buet lakoe nyan hana that le kasuih.
Jadi geupeusan le Teungku Lateh bak masayarakat Aceh, beu tameujroh-jroeh lam ta meurumoh tangga. Bek bacut masalah ka jak u pengadilan jak lakee cre. hana jroeh nyan.
“Jih nah, meunyo na masalah, jipeuteupat ilee. Na ureueng tuha, keluarga. Bahkan meunyo peurle lakee tulong bak ureueng tuha gampong. Bek bagah that lakee cre. Seubab kadang bak ureueng nyan na solusi laen. Hana langsong geuyutaleuk atawa jak pasak lakoe." Nyan ban amanah Teungku Lateh.
Seulaen kasuih cre, di Mahkamah Syariah na sit kasuih isbat nikah 828 boh perkara, nyan hana meuphom Apa pu isbat nikah, Nyang meuteupu sidang isbat kalon ajan phon uasa ngon uroe raya sagai. Khak.
Meunan sit na masalah dispensasi kawen meu 323 boh perkara, dan masalah cok tumpok ahli wareh meu 300 boh perkara. Keu masalah laen na sit bacut sapu teuk.
“Nyan pokok jih kalinyoe rayek buet kamoe, na seukitaran 4.043 masalah sampe buleun Mei baroe." kheun Teungku Lateh. Meunan Apa baca bak Antara.
0 Response to "That Paloe Kiraju! Sampe Buleun Mei, Na 2.397 Boh Peukara Lakee Cre di Aceh"
Post a Comment