Nyan Ban Penjelasan Geuchiek Alue Awe keu Masalah Hana Cae BLT
Nasaja Berita - Lhokseumawe, Baroe kon brat karu di Alue Awe sampe jidemo geuchiek dan kanto geuchiek le warga. Jadi le Sarina seulaku jurnalih AJNN teutap jikabarkan lagee na. Bahkan untuk peuseimbang informasi, jak lake keterangan bak geuchiek. Sit meunan jih. Haruih meunan lam brie info keu masyarakt, beujeulaih dan beutimang. Nyan ka Apa teken.
Geuchik Gampong Alue Awe, Mahmud Haji Yusuf baroe uroe Hameh, ka geutanggapimasalah teukaet nyan. Hai masalah hana cae BLT. Teman pu geupeugah, neubaca ilee beupaih.
“Jadi masalah BLT dari Dana Desa nyan kalheuh kame peusiap untuk 102 droe ureueng gampong. Tapi rupajih le Poemerintah Kota Lhokseumawe melalui Dinas Sosial cuma jilakee 74 droe sagai,” kheun Pak Geuchik uroe Hameh baroe (11/6).
Nyang gura jih lom dari 74 nyan, tok 53 droe nyang jibrie. Nyan pih jipeucae langsong bak rekening ateuh nan warga langsong maseng-maseng nyang jatah teurimong.
“Dan rupajih le awak Dinas Sosial jilakee ulang lom untuk sisa 16 droeteuk, lheuh kamoe peu ek, rupajih na nyang dabel. Seubab na dabel nyan, jadi nyang jeut keu masalah hana cae nyang keuh 14 droe teuk sagai." lanjot beliau nyan.
Geusambong lom haba le Pak Geuchiek nyang bahwa, Dinas Sosial jimeujanji bak tanggai uroe Jeumeu'at tangga 12 baro jipeucae (uroe nyoe), nyan keuh seubab ta tunda ta peu cae. Supaya meusigo ta preh nyang 14 droe teuh jeh nyang golom bereh bak Dinas Sosial baroesa.
“E meunyo keu masalah visi misi geuchiek, memang hana lom na rapat umum gampong. Tapi sesama perangkat gampong na. Baroesa na trok awak inspektorat u gampong jak pareksa. Hana masalah sapu, hana temuan sapu pih nyang jeut keu pelanggaran, dari awak nyan." calitra geuchiek Mahmud.
"E meunyo memang long meumasalah ngon hukom, long ka siap untuk long hadapi, han long plueng. Seubab ka ta peujak buet lagee na. Lagee lam atoran." Meunan geutop haba le Geuchiek Mahmud.
Memang nah sit brat buet geuchiek kalinyoe. Le pu suah peutimang. Lam gampong beutimang, u luwa gampong, ngon awak inseupektorat pih beutimang. Laen ka timang, geuchiek nyang mumang. Nasaja kiraju.
0 Response to "Nyan Ban Penjelasan Geuchiek Alue Awe keu Masalah Hana Cae BLT"
Post a Comment