Meutamah Kasus Covid di Lhokseumawe, Moto Hanjeut Teubiet Tamong, Samsat Teutop
Nasaja Berita - Banda Aceh, Nyan ka paloe hai di Lhokseumawe. Gara-gara lam uroe Rabu baroe ka meutamah tujoh droe warga Lhokseumawe nyang keunong atawa terinfeksi Corona ataqa Covid 19. Nyang kalinyoe keunong covid 19 kon gara-gara woe dari lua Aceh atawa lua nanggroe. Transmisi Local meunyo kheun awak nyoe lam basa nyang moderen.
Gara-gara nyan, maka mulai uroe nyoe Hameh 18 Juni 2020, pelayanan SAMSAT atawa peupanyang pajak moto, honda, kapai, keurita apui, itangen hana roh beh, akan jitop sementara nyoe sampe hana meunjan lom. Nyan khusuih Lhokseumawe beh. Bireuen, Aceh Utara, Aceh Timu dan laen-laen, nyan laen lom. Meunan haba dari kombespol Dicky Sodani.
"Mulai singoh (Hameh 18/6) ube na moto umum (Kendaraan Umum) nyang teumarek antar kabupaten, pu keuh BE atawa L-300 nyang teubiet dari wilayah kota Lhokseumawe suah balek ju bak söt. Jadi awak Satlantas Polres Lhokseumawe akan jijaga jalan teubiet tamong Lhokseumawe." Kheun Dirlantas Polda Aceh.
Meunyo labi-labi nyang meuwet-wet lam kota nyan bak sang hana meudaleh. RBT ngon becak pih aman.
E meunyo moto cuma lewat wilayah Lhokseumawe hana meudaleh. Hai meuseu jih moto len Banda Aceh-Langsa, nyan hana pu, jak ju. Meunan haba nyang geusambong haba le Pak Dirlantas nyan.
Lheuh nyan geuharap dan geuhimbau supaya masyarakat dan warga Lhokseumawe bek that geuteubiet dari wilayah Lhokseumawe supaya bek meutamah tersebar le Covid 19 nyan. "Jadi kamoe mohon bak masyarakat Lhokseumawe nyang ka tom na interaksi, peugah haba, meucukeh-cukeh atawa na roh meupajoh mie saboh pingan dua, jep kupi saboh glah dua, supaya neujak tes PCR di rumoh saket di Lhokseumawe." meunan geu seru Dirlantas.
Meunan Apa baca bak Acehportal.com
0 Response to "Meutamah Kasus Covid di Lhokseumawe, Moto Hanjeut Teubiet Tamong, Samsat Teutop"
Post a Comment