Menag: Phet Memang! Hana Jadeh Haji Thon Nyoe
Nasaja Berita - Jakarta, Nyan ka keubiet jadeh tan haji di calon jama'ah dari Indoneh lam thon nyoe gara-gara viruih corona nyan. Leupah weuh teuh neukiraju. Di awak nanggroe laen aleh kiban pih hom.
Geupeugah le poemerintah neugara Indoneh nyang bahwa memang hana idin jak u haji lam thon nyoe guna geujaga warga neugara bek sampe teupeh ngon corona nyan. Seubab corona nyan masalah donya, kon cuma na di Indoneh.
Keuputusan nyan ka geusampaikan le pak Fachrul Razi seulaku meuntroe urusan Agama bak acara konferensi pers bunoe.
Meunurot Pak Fachrul Razi nyang na darah Aceh lam tuboh geuh nyan, keuputusan nyoe seubab le nanggroe Arab Sauid nyang khadam Makkah ngon Madinah hana jibrie keputusan sapu lom teukaet izin jak u haji thon nyoe. Jadi le poemerintah heuh geupeutren boh thek-thok, bak geukira-kira han siap untuk peu jak ureueng u haji. Han sep wate geupeugot persiapan.
Nyang mandum geupeusampoe meulalui surat Keputusan Menteri Agama RI No 494 Tahun 2020 tentang Pembatalan Keberangkatan Jamaah Haji pada Penyelengagraan Ibadah Haji pada 1441 H atau 2020 M.
Meunurot pak Menag, nyan ka sesuai deungon amanat undang-undang. Seulaen daripada kemampuan ekonomi seureuta fisik, keselamatan dan keamanan calon jama'ah haji teutap haruih ta utamakan.
"Nyoe keuputusan nyoe memang brat that. Phet that keue kawom muslimin. Teuma kiban ta peugot teuman, saboh sisi, tanyoe kalheuh ta upaya untuk peusiap seubagoe tugaih dari pembinaan dan pelayanan. Teuma saboh sisi nyang laen tanyoe na tanggong jaweub untuk ta lindungi jama'ah seureuta peutugaih haji. Nyoe sit ka tugaih neugara untuk jamin keselamatan warga." Kheun Pak Menag.
Meunan Apa baca bak Republika. Teuman nyang keuh lagee haba nyan. Adak pih hana leupah jak u haji tho nyoe, bagi calon jama'ah nyang jatah jih jak, beu le neumeuseudeukah keue syedara ngon jiran. Nyan insyaAllah ubee raya sit fahala. Kadang leubeh rayek daripada haji. Lagee nyang kalheuh tom geupeugah le Teungku Raoh biasa di meunasah, bak duek-duek preh Isya.
0 Response to "Menag: Phet Memang! Hana Jadeh Haji Thon Nyoe"
Post a Comment