Karu Ngon Pak Waki, Shabela Ka Geupeu-ek Laporan Bak Peulisi
Nasaja Berita - Takengon | Bupati Aceh Tengah, Shabela Abubakar meunurot nyang ka geupeugah keudroe geuh, bak tanggai 27 Mei 2020 baroesa, lam uroe raya kalheuh geu peu ek laporan keudeh bak kanto peulisi teukaet kasuih gobnyan ngon pak waki geuh Firdaus, S.KM.
Apa hana that meuteupu sit pu kasuih ureueng nyan dua geuh. teuman lam puasa uroe nyan na ta deungo bak koran nyang bahwa dua geuh brat that karu ka. Adak bak radio na sit jituleh nyang bahwa pak Waki geujak ancam pak Bupati. Pu keuh nyan haba meuayang atawa keubiet sit ka geurencana beujeut keu keujadian, nyan hana jilapor le intelijen Bageudad masa nyan.
Beuklam teungoh malam, Rabu 3 Juni 2020, rupajih na awak wartawan nyang tanyong bak Pak Bupati. Dan geupeugah le Pak Bupati Shabela nyan,"Dasar lon peu ek laporan seubab jiancam jikeuneuk poh mate lon le Firdaus."
Teuman le Shabele teutap geuapresiasi sit pu nyang ka geubantu le pak Plt Gubernur Aceh, Nova Iriansyah, untuk peutenang droe siat nyoe. Meunyo kheun awak nyoe di lua nanggroe, cooling down. Teuman di geutanyoe hanjeut that takheun meunan. Takot salah kheun lagee lhokdon baroesa jeh. Rap rata sagoe salah tuleh neukiraju nah.
“Lon baro kucabot laporan nyan meunyo ka jeulaih na perdamaian. Damee lam artian hana syarat sapu nah. Dan beu jilakee meu'ah bak lon lewat media." kheun Pak Bupati nyan.
Memang meunurot Apa nyang nan jih damee sit meunan. Pu syarat-syarat sare. Ka lagee MoU Helsinki keudeh, syarat nyoe jeh, ban keujadian ka kon meunoe dan kon meudeh. Tapi ka meunan. teuman kon hanjeut ta keurija. That geup'uep daih biet.
“Lheuh nyan eunteuk baro ta peubereh suecara adat. Bah pih hana roh ureung Majeulih Adat dan jeut jikalon le ureueng ramee, masyarakat geutanyo ban mandum." Nyan ban geutop haba le Pak Bupati Aceh Tengah, Shable Abubakar.
Apa baca bak Lintasgayo.co ata jituleh le Darmawan seulaku jurnalieh sinan bak portal berita nyan. Bak Nasaja Berita hana meutamah-tamah lom jurnalieh neukiraju. Nyan bek takheun jijak meuliput, ta yu tuleh lam basa Aceh mantong berita basa Indoneh gob nyang ka na pih hana barang. That kanjai teuh.
0 Response to "Karu Ngon Pak Waki, Shabela Ka Geupeu-ek Laporan Bak Peulisi"
Post a Comment