Karu Hana Cae BLT, Warga Alue Awe Demo Ganto Geuchiek
Nasaja Berita - Lhokseumawe | Apa kalon memang leupah gawat ka kondisi nanggroe, rata sagoe karu. Lam gampong karu keu bhaih peng gampong. jameun hana meunoe, seubab hana peng nyang meureutoh juta.
Lam uroe Hameh tanggai 11, leupah jai warga Gampong Alue Awe, Kecamatan Muara Dua, Kota Lhokseumawe jak u ganto geuchiek. Nyan kon geujak uroh KTP atawa gotong royong, lagee jameun. Tai geujak demo geuchiek.
Ureueng gampong geujak peuteupat masalah BLT nyang hana cae-cae lom. Igob ka abeh tahap phon, na nyang karap tahap keu lhee. Di gampong nyan meu tahap phon tan meupat lom. Seulaen nyan keu bhaih anggaran Dana Desa thon 2020 nyang hana jeulaih lom. Hana transparan meunyo kheun awak jinoe.
Jadi di ureueng gampong ka mulai jak segel ganto geuchiek, ka mulai geutet bhan. Ka lagee demo di Jakarta untuk pakat peutren Soeharto neukiraju.
Meunurot salah sidroe warga Gampong Alue Awe, aksi nyan untuk jak tuntut masalah BLT nyang sumber jih dari dana desa. Nyan untuk BLT keu msalah kophit nentin.
“Nyang gura jih, sampe inoehat uroe ka buleun keudua sarem meu ata phon tan cae lom." kheun beliau nyan. Jadi warga ka han ek geutheun le. Kalon-kalon nan sagai ngon jumlah peng. Nyang teurimong meusikhan tan lom.
“Seulaen nyan na sit keu bhaih dana desa ata masa jabaan geuchiek dari thon 2017 sampe 2019 nyang hana transparan sagai. Wate vvisi misi geupeugah nam bueun sigo rapat evaluasi, sithon sigo rapat umum ngon warga. Tapi inoehat uroe nyan pih tan. That gura neukiraju." lanjot gobnyan.
Teuman di Kapolres Lhokseumawe AKBP Eko Hartanto melalui Kasubsektor Muara Dua geupeugah pihak peulisi geuharap dn geupakat masyarakat nyoe supaya meujak buet sesuai prosedur. Bek karu-karu, bek anarkis. Dan peulisi akan meupeungon warga.
"Kamoe akan meukawai masalah nyyoe, dan meupakat ube na warga dan geuchiek untuk peubereh masalah deungon cara nyang jroeh. Bek le na jak teumeutet dan bek anarkis." Kheun pak Peulisi nyan.
Meunan Apa peuphom pu nyang jituleh le Sarina nyang ceudah rupa bak AJNN.
0 Response to "Karu Hana Cae BLT, Warga Alue Awe Demo Ganto Geuchiek"
Post a Comment