Hana Haji Thon Nyoe, Said Aqil: Meunyo Nyan Alasan, Pakon Han Carong-carong le
Nasaja Berita - Jakarta, Poemerintah Indoneh ka jipeugot pengumuman nyang bahwa hana jadeh ek haji jama'ah dari neugara Indoneh lam thon nyoe. Nyang jeut keu salah saboh alasan daripada poemerintah Indoneh nakeuh seubab hana lom jibuka pendaftaran penyelenggara haji.
Said Aqil seulaku ketua PBNU hireun geuh, kok jeut nyan keu alasan le poemerintah. "Meunurot lon tuan, pakon di poemerintah geutanyoe gabuk that cok keuputusan, seugolom na keuputusan dari nanggroe Arab seulaku poe teumpat haji. Adak meudeh kon ta preh ilee kiban keuputusan resmi sideh. Meunyo jitop le awak nyan, hanjeut jak. Baro ta cok keputusan le tanyoe, hana haji thon nyoe." Kheun Kiyai Said Aqil.
Nyang brat lom gura, ube nyang geuteupu le pak Kiyai nyang bahwa untuk jicok keuputusan nyan, meu jiduek rapat tan le poemerintah ngon awak DPR.
"Ube lon tuan teupu, awak DPR hana meujipakat duek pih, hana haba sapu bhaih keuputusan haji. Makajih kon ka roh ta pike nyang bahwa keputusan nyan, buru-buru meunan. Gabuk hana meupu, meu ka lheuh ju." kheun Said Aqil lom.
E keu masalah persiapan, meunurot keutua PBNU, poemerintah tanyoe kon ka jameun ka jipeu ek ureueng u haji, adak meudeh kon meutamah carrong, maken bereh bak ji antisipasi dan ji peutimang masalah meunyo memang na masalah bak urusan jak u haji.
"Nyan alasan, persiapan hana bereh lom, hana siap. Padahai tiep thon jikeurija selenggara haji. Ka dari jameun seugolom na Indoneh ka sampe inoehat uroe. Ek na teuh han carong-carong le di awak nyoe."
Nyan haba nyan geupeusampoe le Kiyai Said Aqil Siraj bak acara Halal bi Halal via live streaming uroe Rabu, tanggai 3 Juni baroe, nyang geu nonton le ube na penguruih wilayah NU ban sigom Indoneh.
Apa baca bak Wartakota.tribunnews.com beuklam. Inoeha baro Apa peu ek bak Nasaja Berita.
0 Response to "Hana Haji Thon Nyoe, Said Aqil: Meunyo Nyan Alasan, Pakon Han Carong-carong le"
Post a Comment