Ceupat That Keurija! Banda Aceh Ka Seuleusoe Bagi BLT keue Masyarakat
Nasaja Berita - Banda Aceh, Mandum gampong nyang na di Kota Banda Aceh ka seuleusoe mandum jak salurkan Bantuan Langsung Tunai (BLT) untuk tahap phon. Peng BLT nyan memang sit ka sumber jih dari peng dana desa. Teuma hayeu Banda Aceh, seubab bagah seuleuso mandum gampong. Seureutoih persen bereh kiraju. Di Kabupaten ngon Kota laen aleh ka breh hom.
“Alhamdulillah, 90 boh gampong nyang na lam sikureueng boh kecamatan lam kota Banda Aceh, man 100 persen ka bereh penyaluran BLT,” kheun Wali Kota Gemilang Banda Aceh, Aminullah Usman, uroe Seulanyan tanggai 1-6-2020 baroe.
Jadi di Banda Aceh na seukitaran total ureueng nyang teurimong bantuan BLT nyan 7.935 droe jiwa. Nyan bantuan seubab dampak dari Covid-19. “Maseng-maseng ureueng geuteurimong 600 ribee rupiah. Sehingga ban geupeutren boh thk thok jidong angka total mandum, leubeh dari 4,7 miliar rupiah,” kheun Pak Wali.
Nyan, meunurot pak Wali kota, mandum lancar watee geubagi di tiep-tiep kanto geuchiek atawa di meunasah. Hana nyang karu-karu atawa pake-meupake. E masalah na dawa bacut nyan biasa. Seubab mandum geutanyoe na babah untuk peugah haba, na nyang su haloh, kakeuh meus'ah-s'ah, na nyang su raya, kakeuh hie meudhet siangen. Nyan Apa peugah, kon haba Pak Wali.
“Jadi lon sampaikan terimakasih that seureuta lon apresiasi keue ube na camat, kapolsek, Danramil, Imum mukim, Geuchiek, nyang ka neutem salurkan BLT deungon tepat dan lancar." kheun pak Aminullah Usman.
“Meunan sit keue pak Presiden Joko Widodo seureuta pak Meuntroe Sosial neugara Republik Indoneh nyoe. Seubba ka na kebijakan nyang jeut peukureung beban dan masalah bagi masyarakat nyang ka brat meuceupet seulama masa corona nyoe." Lanjot gobnyan lom.
Memang bereh Pak Amin kiraju. Mulai dari geuchiek lam gampong geuterimakasih sampe trok bak Presiden keudeh u pusat. Tapi sang na meulingkeu bacut, keue Pak Plt Gubernur Aceh hana roh meuseubot. Aleh tuwoe, atawa sit memang hana peurle seubot lam hai nyoe. Ube na berita nyang Apa baca, hana keueh roh meuseubot. Nyang na bahkan Pak Plt Gubernur nyang apresiasi pak Wali Kota Banda Aceh seubab lancar dan bagah that buet bak geuyu salurkan BLT.
Jadi nyan BLT nyan jatah jih lhee buleun. tiep buleun nam reutoh ribee rupia jatah. Nyoe baro lheuh tahap phon, dan kajeut keurija untuk peusiap keue tahap keue dua seureuta keue lhee lom eunteuk ukeu.
"Mudah-mudahan deungon na bantuan nyoe jeut keue salah saboh nyang jeut keue peukureung masalah bagi masyarakat nyang ka meukarat lam masa corona nyoe." meunan geutop haba le Pak Wali.
Jadi berita nyoe ata geurilieh lam basa Indoneh. Teuman seubab keue Nasaja Berita hana geukirem lam basa Aceh. Kakeuh Apa cok bak Sinarpost.com lheuh nyan Apa peu Aceh teuk. Nyan ban calitra jih. Apa lagee gaya droe ju bak meurawi berita. Lagee haba bak keudee kupi.
0 Response to "Ceupat That Keurija! Banda Aceh Ka Seuleusoe Bagi BLT keue Masyarakat"
Post a Comment