Bupati Pidie Abusyik Jak Panto Hase Tanaman Organik u Geumpang
Nasaja Berita - Sigli, Bupati Pidie Roni Ahmad SE (Abusyik), baroe uroe Rabu tanggai 10 Juni geuja panto bak coklat, bak drien, bak kupi, ngon pade nyang kalheuh meusomprot ngon pupok alam organik sideh di Gampong Leupeu, Kecamatan Geumpang, Pidie. Pu atra teuman nyang jeut keu bahan pupok nyan Apa han meuphom sit.
Nyang na meuteupu jikheun organik nyangkeuh ek leumo, ek itek dan seugala macam ek sagai. Teuman di Abusyik hinan nyang ka jithee ahli lam bideung pula seumula bak kayee atawa pertanian alami, pasti leubeh meuphom keu bagian pupok alami.
Bupati Pidie Abusyik, sit memang brat that seuriuh meunyo keu bhaih petani. Pu lom meunyo di Pidie, keu bhaih kebijakan pertanian organik nyan ka roh lam Grand Design Pidie Sehat 2025.
Di Pidie nyan sit ubee raya potensi keu bhaih tani dan tanaman organik. Ka le nyang lakee, dan nyoe maken geukembangkan, mangat meutamah maju lom ukeu. Memang sit meunyo ka organik ka leubeh amat, leubeh sehat daripada pupok kimia. Keu geutanyoe leubeh sihat, keu lingkungan pih leubeh paih. Hanjeut keu peunyaket bagi alam. Adak tanoh, han meumasalah ukeu.
Ka dari thon 2018 ka brat geumulai di Pidie nyan. Adak awak dinaih nyang meuurusan ngon bhaih nyan leupah brat jisosialisasi dan jipeureunoe ureueng meutani untuk pakek pupok organik.
Nyan keuh nyan salah saboh visi misi Abusyik watee geu ek keu bupati nyang got that jalan kan. Laen nibak nyan, hana that Apa panto lom. Biasa, teungoh sibok siangen. Meu berita mantong, pih si uroe saboh dua sagai meuteme peu ek. Nyan dum sibok neukiraju.
Jih nah, sit ka meunan, asai ka na dukungan dari poemerinah, adak ureueng meutani sit ka galak keu organik. Item jeut keu trend baro bagi masyarakat tani, supaya leubeh sehat.
Pu lom le Poemerintah Kabupaten Pidie melalui Dinas Pertanian dan Pangan sabe geupromosikan sistem pertanian organik nyan keu ureueng tani. Hai geupeugah nyan saboh solusi keu ureueng tani.
Ukuran awak penyuluh pertanian ka na buet tambahan neukiraju. Dan sit beu meunan. Pane meumada lage-lage sot. That na teuh.
Teuman meunyo ka geuyu pula dan boh pupok meunan, ka teunte suah pike keu hoe ta pbloe dan padum yum nyang seusuai untuk hase daripada panen tanaman organik. Apa ka beuklam ka meuteume berita nyoe, teuman lagee haba nyan, nyoe baro meuteume peu ek nah.
0 Response to " Bupati Pidie Abusyik Jak Panto Hase Tanaman Organik u Geumpang"
Post a Comment