Awak Medih Suah Saba! Dari Jatah 5,6T, Baro 10,45M Nyang Cae
Nasaja Berita - Jakarta, Hana cara neukiraju di Indoneh. Karap abeh corona-corna sare, nyang peng insentif awak teunaga medih bek takheun ka caye madum, meu siploh persen tan caye lom.
Meunurot geupeugah le obuk Sri Mulyani seulaku Meuntroe Keuangan peng insentif keu awak medih lam masa pandemi Covid-19 baro cae Rp 10,45 miliar dari total 5,6 triliun. Teuman kon nit that-that mantong. That na teuh kiraju.
Meunurot geupeugah nyan, peng 10,45 miliar nyan baro keu awak keurija di pusat sagai. Nyang di yup pusat kakeuh suah saba ilee. Memang bagian di miyup pusat sit beu le saba. Meunyo gohlom hak, hanjeut cukeh-cukeh ata iyup pusat.
Hai toh ata nyang di pusat, kon mandum pih. Tok keu nyang na di Wisma Atlet dan di Pulau Galang. Meunan kheun ibuk Sri Mulyani nyan bak uroe Rabu, 3 Juni 2020.
Jatah jih berdasarkan Keputusan Menteri Kesehatan Nomor HK.01.07/Menkes/278/2020 Tahun 2020 tentang Pemberian Insentif dan Santunan Kematian bagi Tenaga Kesehatan yang Menangani Covid-19, insentif keu doto spesialis 15 juta, doto umum ngon doto gigo 10 juta. Seudang keu ibuk bidan ngon perawat 7,5 juta. Meunyo keu awak medih laen 5 juta. Kadang lam kawan awak medih laen nyan, na roh awak ba moto tambah, atawa moto ambulance, meunyo kheun awak barat. Seulaen awak lab dan laen-laen lom.
Geupeugah lom le ibuk Sri Mulyani nyan, le awak Kementrian Kesehatan mantong jiverifikasi ilee 19 boh rumoh saket di pusat. Nyan keu awak nyan hana kureung bak 4,11 miliar jatah keu awak nyan.
Meunyo di daerah na 110 boh rumoh saket nyang teungoh jiverifikasi le Kementerian Kesehatan.
"Kamoe akan meuyu peubagah, seubab nyan eunteuk nyang mat tanggongjaweub na keuh awak Kementrian Kesehatan dari kas teubiet awak nyan." kheun Meuntroe Keuangan nyan. Meunan Apa baca bak Tempo.co bunoe lheuh Leuho.
Nyang hireun Apa, padum trep jiverifikasi ilee. Pakon han bereh-bereh asai ka bhaih bagi peng keu ureueng nyang berhak. Di awak medih, meukarat lheuh ka. Ukuran nah, bek ta kheun keu peng uroe raya baroe, meu keu ijak bloe cindoi kadang ka meukarat.
Sit ka meunan nanggroe nah. Bak buet leupah bagah jimeuyu. Nyang hak lagee haba itu ju. That le pat meutheun, That geu p'uep daih kiraju.
0 Response to "Awak Medih Suah Saba! Dari Jatah 5,6T, Baro 10,45M Nyang Cae"
Post a Comment