Awak Medan Positif, 27 Droe Warga Abdya Tes Corona, 9 Lanjot Tes SWAB
Nasaja Berita - Abdya, Dua ploh tujoh droe warga Abdya ka geujak tes corona bak tanggai 30 buleun Mei baroe. Nyan tok gara-gara trok haba nyang bahwa na salah sidroe ureung nyang trok u Abdya dari Medan, Sumatera Utara. Mandum geuh hana nyang reaktif neukiraju. Lheuh geujak tes rupajih hana sapu na pih.
Tapi nyang gawat jih lom, sikureung droe dari 27 nyan geuja lanjot tes SWAb teuman. Seubab tes corona phon cuma tes rapid sagai. Aleh kiban pih tes nyan, Apa tan got meutu'oh sit. Jites le awak dinaih kesehatan ngon awak rumoh saket RSUTP kabupaten Abdya.
Meunurot geupeugah le Keupala Dinaih Kesehatan Abdyaa, Safliati bak wartawan uroe Aleuhad tanggai 31 Mei baroe, ureueng nyoe geujak tes corona seubab na salah sidroe ureueng nyang troh dari Medan lam uroe raya baroe. Di beliau nyan rupajih positif corona. Teuman kon ka abeh teupeh ngon ureueng dum, meugabuk teuk jak tes di ureueng sagoe nyan.
"Nyan keuh nyang jeut keue dasar seureuta alasan ureueng nyoe jak tes corona. Dan hasel jih hana reaktif. Seudang sikureung droe teuk geulajot tes SWAB. Teuman suah preh hasil ilee dari laboratorium di Banda Aceh.: Kheun Keupala Dinaih nyan.
Meunurot gobnyan, memang peurle jak tes nyan.
Jadi geupeugah nyang bahwa warga nyang na teupeh ngon ureueng woe dari Medan nyan supaya geujak lapor droe geuh bak tim gugus tugas covid mangat jeut jicek kesehatan.
"Meunyo na warga tanyoe nyang na meucukeh, pu keuh bak meumat jaroe, meu um-um, meu wa-wa, com jaroe atawa kiban, kamoe harap that untuk jak lapor droe bak kamoe, mangat ta cek, ta pareksa kiban kondisi kesehatan ureueng tnayoe nyan." Kheun Safliati nyan.
0 Response to "Awak Medan Positif, 27 Droe Warga Abdya Tes Corona, 9 Lanjot Tes SWAB"
Post a Comment