Kop Paloe! Karu Sabe Droe, Relawan Covid-19 Bireuen Bongkar Posko
Nasaja Berita - Bireuen, That gura kiraju di awak geutanyoe. Hai nyo hai. Jeh pat di Bireuen, gara-gara ka hana paih le sabe droe pengurus relawan Covid-19. Posko-posko jibongkar. Aneuk muda ek teuh.
Meunurot info na karu sabe droe lam grup WA. Teuman keue kiban karu jih tan ta tu'oh sit. Nyang inti jih saboh peugah meunoe, saboh teuk peugah meuhie lagee-lagee nyoe.
Jadi posko nyan teuduek di pusat Kota Bireuen. Di geunireng Tugu Batee Kureng. Bak uroe Sabtu tanggai 4/4 baroesa ka jilhoh atawa jibongkar le Yusri, seulaku salah sidroe penguruih lam relawan nyan. Padahai posko nyan nakeuh teumpat untuk tampong bantuan nyang rencana eunteuk keuneuk bagi keue masyarakat nyang gasien, nyang keunong dampak seucara ekonomi dan sosial seubab wabah corona.
Jadi info jih, hana persetujuan dari anggota laen unuk jak bongkar nyan. Teuman ka geubongkar sit. Cek by ricek , that geupap wang geuh, cek by ricek hai, ka lagee pu keudeh. Rupajih awak nyoe sabe droe karu lam grup. Yusri jipeuteubiet dari grup nyan. Meunurot jipeugah le awak nyoe, Yusri seureng that jikomen macam-macam. Sampe-sampe suasana lam grup WA nyan ka hana paih le. Ka panaih meunan, ka meu-corona, rap-rap suah lockdown kiraju.
Teuman kakeuh, jipeuteubiet lah Yusri nyoe. Nyan ban calitra jih. Alah pih Apa Raban tan na lam grup WA, meu WA tan Apa tu'oh. Jadi aman, hana soe teujeut peuteubiet.
"Jadi di awak kamoe anggota-anggota laen nyoe, kureung meukeunong ngon Yusri nyoe, kakeuh meupeuteubiet ju. Akhe buet, gara-gara kamoe peuteubiet, ka ijak bongkar posko. That na teuh kiraju." Kheun salah sidroe sumber berita.
Teuman di awak nyoe relawan laen kon brat kecewa dih. Adak meudeh kon bek meunan. Pu na masalah ta peupaih keulayi. Bek meunan that. "Hana musyawarah sapu, ka ijak pakat ngon meupadum droe jak bongkar posko. Nyan ata milek bersama, kon ata pribadi. Dan nyoe gerakan sosial. Untuk ta bantu ureueng nyang butuh bak geuhadapi suasana corona meunoe." Kheun Fadhil Juang, salah sidroe anggota relawan sit. Meunan bak berita phon nyang jituleh le Fajri bak Dialeksis.
Ban seulingoh lheuh ji ek berita nyan, na jawaban dari awak nyang bongkar posko. Bak dialeksis sit, si Fajri lom nyang peu ek berita.
Di awak bongkar posko nyan ji brie konfirmasi. Bak uroe Aleuhad (5/4/2020) baroe. Seulaen Yusri, na Iskandar (Tuih), Herizal dan Ilham Rinaldi nyan memang jiakui bahwa awak nyan jijak bongkar posko. Dan meunurot jimeungaku jibongkar nyan, kalheuh jimusyarawah sabe pengurus. Dan nyan keujadian jak bongkar nyan seubab awak nyoe kecewa that keue pembina dan pengurus laen seubab hana terbuka sagai informasi.
"Memang si kamoe nyang bongkar posko nyan, tapi nyan ka na kesepakatan ngon rakan-rakan. Kamoe kecewa that keue pengurus ngon pembina relawan Covid-19, seubab awak nyan hana terbuka sagai." Meunan jijelaskan le Yusri.
Meukeusud nyang jimeukeusud nakeuh seubab na grup pengurus inti nyang lheuh jak meureumpok pak Bupati, awak nyoe hana jipakat, hana jipeuroh. That roh teuh kiraju.
"Adak meudeh meunyo na pertemuan atawa pu laen, kon jeu geuie thee bak kamoe seubagoe bentuk keterbukaan dari ureueng nyan. Dan nyoe peunteng kamoe peugah mangat bek salah peuphom di awak baca berita." Nyan bak kheun Yusri. Pu lom awak baca judul tok, alamat jiteunak Apa kalinyoe. Nasaja kiraju.
Nyang gura jih lom, di Pak Hamdani memang geuakui nyang bahwa na grup saboh teuk, grup inti. Dan nyan kon grup tandingan. Nyan na keuh grup koordinasi. Hai peut droe sagai i dalam, mangat mudah untuk pakat meupakat.
Seulaen nyan mgeuakui sit le Pak Hamdani nyang bahwa watee meureumpok ngon Bupati, kon han geupakat, tapu na pembatasan jamee untuk meureumpok Bupati, ka meunan protokoler. "Kon han ta pakat awaknyan." Kheun Pak Hamdani.
Nasaja kiraju. Macam bagoe keujadian. Tujuan na posko mangat mudah ta bantu ureueng nyang ka butuh. Sabe droe relawan ka karu. Adak meudeh nyang nan jih relawan kon rela, hana jak lawan-lawan. Khak. That na teuh kiraju. Teuma di Apa, man dua berita nyan ju meupeusigo keunoe. Mangat bek salah neupham bak neubaca berita sikhan-khan.
0 Response to "Kop Paloe! Karu Sabe Droe, Relawan Covid-19 Bireuen Bongkar Posko"
Post a Comment