Anggota DPRA: Atoran Jam Malam Nyan Ka Cocok
Nasaja Berita - Banda Aceh, Anggota DPRA, Wahyu Wahab Usman geunilai nyang bahwa kebijakan jam malam nyang ka jipeugot le Forkopimda Aceh ka timang. Dan gobnya brat that geudukong kebijakan nyan.
"Kritik ngon saran nyang ka ta deungo bak umum masyarakat Aceh nyoe memang brat that han meutem ngon jam malam nyan. Dan nyan wajar, meunurot Wahyu. Seubab nyang nan jih peraturan ka pasti hana ek peupuaih ube na pihak nyang na di Aceh." kheun Wahyu.
Seubab meunurot anggota dewan dari partai Daerah Ace atawa PDA nyoe, kebijakan dari poemerintah nyoe timang seubab ureueng tanyoe Aceh nyoe hek that bak ta peugah. Ka lheuh geuhimbau le poemerintah, tapi le masyarakat nyang hana deungo tut, ramee nyang tungang lam hai untuk ta cegah virus corona nyoe. Seubab di corona nyan bagah that tersebar.
"Nyan ka na jam malam nyan, lam praktek jih memang meuhie deungon darurat sipil nyang jicok kendali le militer. Artijih di Aceh nyoe na dua boh itatuih bak saboh watee nyang sama. Sosial ditancing lam uroe dan darurat sipil 'oh ka malam." kheun Wahyu.
Memang nyan tindakan nyang preventif dari poemerintah Aceh. Untuk kebaikan ureueng Aceh. Pu lom ODP geutanyoe le dum nyang hana tem isolasi droe. "Paleng ek jiduek limong uroe sagai. meunyoe 14 uroe nyan ka han jitem le duek di rumoh. Hai siteungoh buleun duek di rumoh, hana jak sahoe." Sambong politisi PDA dari Pidie nyan.
Nyang brat susah di Pak Wahyu nyan apabila bak geuingat-ingat, miseu seandaijih keujadian pasien PDP di Aceh meutamah laju-laju, nyan pasti ka meuramah teuh. Seubab h'an sep tim medis dan fasilitas di Aceh nyoe. Maka dari nyan, meunurot beliau nyan ka timang kebijakan nyang jicok le poemerintah saat nyoe.
Teuman, teutap na teuman bak ujong. Bek bagah that emosi eunteuk kadang bak neubaca berita nyoe. Suah neubaca beutrok bak ujong. Meuhan rugoe Apa tuleh berita meunyo hana abeh neubaca. Can han meutem tuleh le nyoe eunteuk, ka tan neutupat baca le berita lam basa Aceh lagee bak Nasaja Beria. tha na teuh.
"Teuman, na PR sit bagi geutanyoe mandum uroe nyoe. PR jih kon pemberlakuan jam malam nyan. Tapi kiban keuh bantuan poemerintah Aceh nyoe keue masyarakat peulaku usaha kecil dan menengah. Miseu jih lagee ureueng meukat kupi atawa awak keurija harian laen nyang keunong dampak dari wabah corona nyoe." Meunan geutop haba le Pak Wahyu Wahab Usman nyan.
Apa baca bak Acehonline beuklam seugolom Apa jak peungon Da Mulah eh lam kama.
0 Response to "Anggota DPRA: Atoran Jam Malam Nyan Ka Cocok"
Post a Comment