2 Droe Awak Meukat Sabu Ka Jibeureukah, Bandar di Pidie Jipeucroek
Nasaja Berita - Banda Aceh, Personel Opsnal Satuan Narkoba Polresta Banda Aceh rupajih uroe Rabu baroe na jibeureukah dua droe aneuk muda nyang edar sabu-sabu. Awaknyan manda jibeureukah le peulisi di Gampong Punge Jurong, Kecamatan Meuraxa, Banda Aceh.
Jeulaih tha bukti bak jaroe awak nyan dua, 5,74 gram sabu. Inisial awak yang jibeureukah nyan HM (36) dan MI (36) nyan mandua jih awak Punge Jurong. Meunan geupeugah nyan bak uroe Hameh baroe. (2/4/2020) Kapolresta Banda Aceh, Kombes Pol Trisno Riyanto SH, melalui Kasat Narkoba, Kompol Boby Putra Ramadan Sebayang SIK,.
Menurot Boby, nyang phon that jidrop nakeuh HM sekitaran poh 1 cot uroe di bineh Jalan Paya Lhok Gampong Punge Jurong, Kecamatan Meuraxa. Watee jidrop si HM, hinan jiteumee le peulisi sabu-sabu 0,18 gram nyang jimat ngon jaroe uneun, ka jireugam.
Lheuh nyan ji interogasi ju le peulisi. Rupajih jimeungaku nyang bahwa barang hareum nyan ata jicok bak pengedar berinisial MI (36). Sit ijak u rumoh si MI untuk ijak bloe. Ka dari uroe Seulanyan ka i bloe, seukitaran poh 3 lheuh Leuho.
Pane na teuman, lam poh 4 bak uroe Rabu nyan, akhe buet si MI pih jibeureukah sajan si MH. Di sinan bak Jalan Iskandar Muda nyan jibeureukah jih, bak Gampong Punge Jurong, Kecamatan Meuraxa, Banda Aceh sit.
Meunan ji beureukah le peulisi si MI nyan, ka meutamah lom barang butki jeut keue 5,56 gram nyang njipeumeusom toe geureupoh manok jih hinan, ateuh naleung ji keubah.
"Seulaen sabu-sabu 5,56 gram dan hp dua boh, le peulisi sampe trok bak peng dan ceng digital pih jipeuaman sit," kheun Pak Kompol Boby.
Cek by ricek lheuh jipareksa keunoe keudeh, MI jimeungaku nyang bahwa nyan jibloe bak MB, uroe Rabu (16/3/2020), di Gampong Reubee, Kecamatan Delima, Kabupaten Pidie. Pah jioh jijak bloe. Nyan dum hawa sang.
hana meuhai jiloe, 3 juta rupia sagai. Ukuran dua buleun gaji awak nyoe nyang keurija bak keudee kupi. Rupajih memang kon keue ji h'uep keudroe jih tok barang nyan. Sit memang niet jih jipubloe keue awak laen nyang saban pungo ngon jih. Hai kon jeut takheun pungo. jitem peuabeh peng untuk peumabok droe, teuman boh panee ek han cocok takheun pungo. Sit paih ateuh bareh paih kiraju takheun pungo.
"Jinoe si MB nyang dari Pidie nyan teungoh ta peucrok jih. Ta mita abeh buet peunyaket budok nyan," kheun Kompol Boby lom.
Hana meupat-pat di si MH ngon MI ka keunong ancaman Pasal 112 Ayat Jo Pasal 114 Ayat 2 dari Undang-Undang Nomor 35 Tahun 2009. Ukuran meu 20 thon penjara ka meumada. Nyan maksimal jih, kadang meunyo seumateh lam peunjara, bisa tinggai meu 4 thon.
"Nyan jinoe mandua jih ka lam penjara Mapolresta Banda Aceh." Meunan geutop haba le beliau nyan.
Meunan aporan dari Misran Asri bak Serambinews
0 Response to "2 Droe Awak Meukat Sabu Ka Jibeureukah, Bandar di Pidie Jipeucroek"
Post a Comment