Suspect Corona Ka 172 Droe, Indoneh Darurat Corona Sampé 29 Mei

Nasaja Berita - Jakarta, Ka paléh teuh. Bak ta piké meuayang-ayang, rupajih makén meuhambô laju-laju di peunyakét wap virus corona nyan. Di neugara Indoneh, ka na 172 boh kasuih ka sampé 'an uroe Lasa tanggai 17 Maret baroe.

Nyan nyang meukasuih, teungöh jiparéksa. Pu keuh keubiet nyo positif virus Corona atawa sit mumang wap kureung darah atawa kureung pèng. Seubab barang ka meuhai, dumpu meuhai ka lawét nyoe.

Teuman lam 172 droe ureueng nyang jiduga keunöng Corona, 38 droe ka nyoe. Positif. That glie teuh neukiraju.

Teuman deungön kondisi nyang ka lagè nyan, seulaén ka na haba "lock-down" lagèe di lua nanggroe, bak tanyoe sikula ka jipeupré. Kuliah meunan sit. Dayah pih saban sit. Kantô nyang hana pré. Awak nyan teutap jak. Bah pih lagè haba itu. Jak meukeuna. Meunyo awak rumoh sakét sit hana calitra. Hana pré-pré.

Teuma pu lock-down nyan, Apa pih tan meuphôm. Nyang meukalön bak berita lua nanggroe, lock-down nyan. Ureueng h'an jeut meu ula-ilie bak taloe jalan. Duek i rumoh, pajôh pu nyang na. Bèk jak sahoe.

Di Aceh h'an ikap lom lock-down. Nyang na lhokgong meunyo kheun awak nyoe. Kön Apa nyang kheun beh. Awak nyoe dum.

Seubab meunoe, na nyang jak meuramien, bak keudé kupi sit punoh mantöng ureueng. Lagèe haba itu ju nah. Kupi ngön rukok sit ka meudarah lam bansa tanyoe. Pu meu Corona. Dum teungöh seumayang Jeumeu'at punoh keudè kupi. Corona meu jak k'èk tan. Donya mandum nyan.

Jadi pengumuman dari poemerintah Indoneh ka jipeupanyang lom masa Darurat Corona. Meunyo baroesa pengumuman jih sampé buleun April jipeugah Darurat Corona. Kalinyoe ka jitamah jeut keue 29 Mei keudéh. That na teuh.

Na can ta meu uroe raya lam masa darurat Corona di geutanyoe lam neugara Indoneh neukiraju. Lam buleun puasa pih saban. Alah ma beh teuh. Doa beuteuga hai syèdara. Bèk sampé meupeunyakét geutanyoe Aceh. Seubab geutanyoe bansa teuleubèh ateuh rueng dônya. Nasaja kiraju.

Share this post