Rakor Rabithah Thaliban, Kadis Pendidikan Dayah: Tajaga Ulama dan Dayah

Nasaja Berita - Banda Aceh, Beuklam, Sabtu malam (7/3/2020) atawa malam Aleuhad Rabithah Thaliban Aceh atawa RTA mulai acara Rakor (Rapat Koordinasi) untuk mandum RTA ban sigom Aceh. Acara ureueng RTA geufasilitasi le dinaih Pendidikan Dayah Aceh dan geubuka le pak Kadih, Teungku Usamah EL Madny.

Meunurot info nyang Apa teume dari intelijen Bageudad, acara rakor nyan lam lhee uroe, mulai nibak uroe Sabtu sampoe 'an uroe Seulanyan tanggai 9 buleun lhee. Meunyo peurle ta peupaih bak buleun  droe teuh Aceh, na keuh tanggai 12 blah sampoe 14 Rajab (Khanduri Apam) 1441 Hijrah.

Lam sambutan seukaligus pembukaan, le Pak Kadih neusinggong bacut teuhadap peran RTA keupada ummat, supaya ureueng lam Rabithah nyoe, beu jeut keue sayeup daripada para ulama Aceh, terutama that HUDA (Himunan Ulama Dayah Aceh).

"Nyoe adoe-adoe lon bak RTA beujeut keu sayeup, lam artian beu jeut keu agen daripada Ulama Dayah. Nyang peuturi seureuta jaga ulama teuh." Kheun Pak Kadih.

Pak Kadih geuharap that-that supaya ulama Dayah nyoe beu meusyeuhu, terutama lam media-media, pu keuh media sosial atawa media  massa. Teuman bak sang, hana roh geuceukot keue media Nasaja Berita. Kakeuh lah, that neuh kiraju. Aleh tuwo, aleh seungaja h'ana teuingat.

"Meunyo na pengajian Abu-Abu geutanyoe, ta share rata sagoe, supaya beujiteupu le ureueng laen. Bek sampe talo teuh ngon awak laen. Awak laen nyan padahai dua krek sagai ureueng, tapi nah, meutaga ji share. Meuhie ramee ju. Guyak meunan." Meunan lah kira-kira haba Pak Kadih, meunyo silap-silap siangen dan na leubeh bak Apa rawi lam meususon kata, neu maklum keudroe ju. Gaya Apa peu ek berita sit ka lagee nyoe, rap peureuseh ureueng meupep-pep bak keudee kupi.

Seulaen nyan Pak Kadih geupeugah lom supaya pengurus dan anggota Rabithah nyoe, beu meusaboh. Pu keuh nyang na di Pengurus Besar nyang na di Banda Aceh, atawa Pengurus nyang na di wilayah kabupaten kota.

Share this post