Poemerintah Aceh Tham Awak Lua Nanggroe Tamong u Aceh
Nasaja Berita - Banda Aceh, Poemerintah nanggroe Aceh ka jadeh meutham awak lua nanggroe untuk troh keunoe u Aceh deungon tujuan supaya virus corona bek sampe teusebar lam nanggroe. Seubab sit ka ta teupu le geutanyoe, di lua nanggroe ka rame that nyang keunong corona. Pu lom di Malaya.
Teuma meunyo di Indoneh le sit nyang ka keunong corona. Tapi lagee haba itu ju nah.
Pelaksana Tugas (Plt) Gubernur Aceh, Pak Nova Iriansyah geupeugah keubijakan nyoe berlaku keue awak kapai pesiar nyang ka jitiek saoh di pelabuhan. Meunan sit untuk awak kapai teureubang nyang jitransit di Bandara Internasional Sultan Iskandar Muda, Blang Bintang.
“Tanyoe sinoe lam nanggroe ta panto sit pat na awak aseng atawa awak lua nanggroe nyang ka jiduek di Aceh. Dan talarang awak lua nyang trok keunoe u nanggroe." Kheun Pak Nova Iriansyah lam saboh keuteurangan gobnyan, bak uroe Hameh tanggai 19 buleun 3 bunoe.
Nyan kebijakan nyan geupeuteubiet lheuh meuduek rapat ngon ubee na ureueng nyang na jabatan untuk cok keubijakan di Aceh.
hai miseuj jih lagee peulisi, teuntra dan laen-laen. Nyan kon hana suah ta peutrang trok bak ayat nyan sare. Asai ka laen-laen, nyan ka roh awak nyan ju.
Mulai saat nyoe, geupeugah le Pak Nova, akan na pengawasan keue awak-awak lua nanggroe nyang na leumah bak teumpat umum. Miseu jih lagee bak keude kupi, bak taman, lam pasai atawa bak teumpat wisata.
Nyan bek neutanyong bak Apa kiban cara geukawai. Pu keuh na geulhat CCTV rata sagoe, atawa na geusipreuk intelijen bak tiep teumpat nyan. Jadi meunan leumah awak bulek atawa awak kleng, langsong geuteupu le pak Nova. Kon meunan sit. Keue kiban, Apa pih tan meutu'oh.
“Jadi tanyoe ta tingkatkan sosialisasi, pengawasan dan penertiban keue awak duek bak keudee kupi atawa cafe, bak taman-taman, teumpat wisata, pasai eungkot, pasai gulee, pasai leumoe, pasai kameng, dan teumpat nyang rame ureueng laen-laen lom.” kheun pak Plt.
Adak ureueng jak u rumoh saket nyang jak keumunjong pih haruih tabatasi. H'anjeut le seubeurangkasoe lagee awai. Hai nyan harapan poemerintah, teuman kon h'an mungken sit di geutanyoe h'an tajak keumunjong bak syedara teuh nyang teungoh saket di rumoh saket. Kon saket corona tapi. Meunyo saket corona, h'an ta keujeut jak kiraju.
Jinoe memang golom na pasien nyang positif corona di Aceh. Di Rumoh Saket Umum Daerah Zainal Abidin baro na nyang jirawat pasien lam pengawasan. Isitlah jih PDP (Pasien Dalam Pengawasan). Pasien nyan baro na geujala nyang meuhie lagee pasien nyang ka keunong corona. Goh teunte nyo corona pih. Jadi ureueng saket nyan jirawat bak ruang isolasi rumoh saket.
Direktur RSUD Zainal Abidin, Azharuddin geupeugah golom na saboh kesimpulan keue nam droe pasien nyan untuk jeut takheun keunong corona. Dan kondisi awak nyan jinoe ka mulai sihat siangen.
"Tanyoe mantong ta preh kiban hasil swab ilee," kheun pak doto Azharuddin nyan. Swab nyan na neuteupu? Apa tan meuteupu sit. Ka jipeugah swab kakeuh swab ju.
Nam droe pasien nyan na riwayat jak keumunjong u lua nanggroe. Meunan trok u nanggroe, kakeuh jipareksa droejih awak nyan. Seubab na batok-batok seu-um asoe meunan. kakeuh jak u rumoh saket.
Di Indoneh jinoe ka leubeh dari 227 droe ka nyang keunong corona. Paleng rame di Jawakarta. 11 droe puleh, 19 droe ka meuninggai. Meunan Apa baca bak Atjehwatch, awak nyan ata icok bak tempo.co
0 Response to "Poemerintah Aceh Tham Awak Lua Nanggroe Tamong u Aceh"
Post a Comment