Ka 3 Buleun Tan Gaji, Mukim di Pidie: Pu Ka Ji'uet Le Corona?
Nasaja Berita - Sigli, Pah jra teuh rupajih jeut keue mukim. Alah Apa h'an meutem ek calon baroesa. Dan h'ana soe peu ek pih. That na teuh kiraju.
Rupajih di mukum nyang na di kabupaten Pidie kalinyoe tan gaji neukiraju. Teurakhe cok gaji thon nyang ka leupah. Hai waribee ikureung blah kon thon nyang ka leupah sit ta kheun. Meunyo ta kira thon ka sithon seubab ka meuganto thon. Teuma meunyo ta kira buleun, baro lhee buleun.
Baro keuh hai, lhee buleun tan gaji, baro ta kheun. Can keunong teunak bak mukim. di Apa baroeken meukeurija bak toke Seuman, dua uroe teulat, sep min dih Apa teunak geuh. Teuma masa nyan mantong muda. Mantong emosi, masa gohlom meureumpok gnon Da Mulah tercinta.
Boh ka, keupu keunan roh. Nyang keuneuk peugah, dari buleun 1 sampe inoehat ka abeh buleun 3, gaji mukim nyang na di Pidie hana jibayeu lom. Padahai nah, 97 droe imum mukim nyan leupah meukarat ka neukiraju. Hai pu lom ka masalah corona. Bek 'an nyang ka trep tan gaji, meu geutanyoe nyang na gaji harian pih phang phoe teuh seubab h'an that jeut takeurija lagee uroe biasa.
Sampe di Ketua Majelis Mukim Kabupaten Pidie, Zamah Sari sajan ngon Sekretaris geuh Tgk Sulaiman suah puteubiet su," Pu keuh gaji kamoe mukim ka ji 'uet le corona sit, sampe saaat nyoe hana meupat cok lom." That weuh teuh kiraju. Meunan geupeugah baroe bak uroe Seulanyan tanggai 30 Maret.
Para teungku mukim nyan, geunilai, Poemerintah Kabupaten Pidie nyan ka hana padoli le keue lembaga mukim. tapi ci keuh meunyo watee peurlee, baro teuk imum mukim nyoe jihubungi.
Poemerintah jinoe, jioh that beda ka ngon nyang ka leupah, meunan meunurot Teungku Zamrah. Awai tiep buleun, meukhum lam rekening. Ci keuh meunyo jinoe, lagee tan jianggap le na lembaga mukim nyoe. Makajih sang hana jibayeu gaji ka lhee buleun.
Para Imum mukim nyoe geumeungaku nyang bahwa saat nyoe ureueng nyoe peurlee peng untuk dana penunjang tugaih lam rangka pengawasan ubee na keugiatan mukim teukaet wabah corona.
"Lom pih nyan untuk meubantu biaya udep para mukim lam meuhadapi kondisi saat nyoe. Ka hana bebaih teuh le bak ta meugrak untuk ta keurija, seubab wabah corona."Kheun Teungku Zamrah Sari.
Apa baca meunan bak AJNN nyang jituleh le Salman, lam basa Indoneh jituleh. Teuman meunyo ta peu Aceh lagee Apa tuleh nyoe, meurie ju nah. Meuglueng sang. Adak beungeh kakeuh beungeh di poe pihak.
Nasaja kiraju. Nyo hai. Sabe lam keuadaan meutheun hak di ureueng tanyoe keurija. Buet meutindeh lheuh ka. Trok bak hak, lagee haba nyan ju nah. Pah icaih teuh.
0 Response to "Ka 3 Buleun Tan Gaji, Mukim di Pidie: Pu Ka Ji'uet Le Corona?"
Post a Comment