Aceh Meutamah Supot, Abu Dayah MIKA Ka Neuwoe Bak Allah
Nasaja Berita - Sigli, Ka neuwoe bak Allah sidroe teuk ulama rayek di Pidie, nyakni Tgk Abdul Wahab Ali (Abu di Bale), pimpinan Dayah Madrasah Islahiyah Kampong Aree (Dayah MIKA), Kecamatan Delima, Pidie, bunoe lheuh Mugreb seukitaran poh 19:30 wib.
Na umu neuh di Abu di Bale leubeh kureung 75 thon. Meunurot info, Abu neu woe bak Allah nibak komplek Dayah MIKA, lam bilek khusuih pimpinan.
Info nyoe nakeuh dari salah sidroe Alumnus Dayah MIKA, nyakni Tgk Yusuf Aree, nyang seureng tuleh rubrik agama bak Nasaja Berita. Meunurot info, jeunazah Abu baro geutahjiz (neuuroh sampe seuleusoe) bak uroe Rabu pagi (18/3) singoh beungoh, di gampong Ulee Tutue Raya, Aree, Kecamatan Delima, Pidie.
Meunan info dari aneuk Abu nyang paleng tuha, Tgk Muhammad.
"Saknyoe lon hubungi aneuk Abu untuk peupasti berita, dan ruajih keubiet nyo. Mungken jenazah baro geuseumiyub singoh beungoh, seubab nyoe ka malam. H'an mungken le,"kheun Tgk Yusuf Aree.
"Abu ka trep that ka neuseumeubeut di di Dayah Mika ka dari thon 1979. Abu nakeuh sidroe sosok nyang perhatian that keue kamoe nyang beut. Bersahaja that ju. Abu ek neumanja aneuk didik, tapi teugaih. Punoh gaseh dan sayang neuh keue murid-murid. Memang meunan cara Abu didik supaya kamoe murid nyoe meutuwah." Sambong teungku Aree.
Memang lam dua thon nyoe, Abu ka saket-maket. Abu ka tuha. Na padum-padum go neujak meuubat u Malaya.
"Abu nakeuh panyoet bagi kamoe nyoe. Nyan keuh beliau nyan nyang peuturie kamoe Aleh Ba. Meunyoe aneuk miet thon 80-an nyan di Aree-Garot, sit rap rata-rata Abu peurnoe haraih. Mulai dari Aleh Ba, Anakum, kitab Jawoe, sampoe kita Arab Abu neuseumeubeut." Calitra teungku Yusuf Aree, nibak neuingat keue jasa Guree neuh, Abu di Bale.
Le that ka jinoe aneuk murid Abu nyang jeut keue guree bak dayah-dayah nyang rayek di Aceh. Miseu contoh jih di MUDI Mesra dan Ummul Ayman, di Samalanga, dayah Munawarah Kuta Krueng, dayah Seulimuem, sampe troh u Panton Labu dan dayah Lhok Nibong na murid Abu nyang ka abeh jeut keue guree dum.
Na sit nyang jeut keue pendakwah, lagee contoh Teungku Yusri Gade di Pidie jaya. Nyan salah sidroe dari murid Abu." Calitra teungku Suh Aree, nyang jinoe jeut keue guree di dayah Ummul Ayman, Samalanga.
Ta meulake bak Allah ta'ala seumoga Abu geutanyoe beujroh, ubee na amalan nyang got, beu Allah teurimong dan neubalah le Poe teuh deungon meulipat ganda. Meunan sit ubee na salah dan desya dari Abu, seumoga Allah peuampon mandum bek na sisa. Keue nyang meusalah deungon manusia, beu neupeumeu'ah wahee aneuk bansa.
Le that ka jinoe aneuk murid Abu nyang jeut keue guree bak dayah-dayah nyang rayek di Aceh. Miseu contoh jih di MUDI Mesra dan Ummul Ayman, di Samalanga, dayah Munawarah Kuta Krueng, dayah Seulimuem, sampe troh u Panton Labu dan dayah Lhok Nibong na murid Abu nyang ka abeh jeut keue guree dum.
Na sit nyang jeut keue pendakwah, lagee contoh Teungku Yusri Gade di Pidie jaya. Nyan salah sidroe dari murid Abu." Calitra teungku Suh Aree, nyang jinoe jeut keue guree di dayah Ummul Ayman, Samalanga.
Ta meulake bak Allah ta'ala seumoga Abu geutanyoe beujroh, ubee na amalan nyang got, beu Allah teurimong dan neubalah le Poe teuh deungon meulipat ganda. Meunan sit ubee na salah dan desya dari Abu, seumoga Allah peuampon mandum bek na sisa. Keue nyang meusalah deungon manusia, beu neupeumeu'ah wahee aneuk bansa.
0 Response to "Aceh Meutamah Supot, Abu Dayah MIKA Ka Neuwoe Bak Allah"
Post a Comment