2,4 Juta si Manyam, Meu Asek Lheuh Ulee Aneuk Muda
Nasaja Berita - Banda Aceh, That c'eung ji ek yum meuh lam padum uroe nyoe neukiraju. Meunyo baroesa ji dong yum meuh 2 juta lhee reutoh, kalinyoe ka 2 juta peut reutoh ribee rupiah si manyam. Nyan meuh Banda Aceh.
Kakeuh ka meukureung ureueng bloe meuh, ka rame awak publoe. bak sang hie.
Nyang sayang teuh keu aneuk muda. Bak peutheun-peutheun tanggai peusapat peng untuk bloe meuh jak lakee aneuk dara gob, ka keubiet meutheun. Teuingat teuh keu video jeh neukiraju. "Dua juta lhee reutoh, kon mangat, lam leuhop dek."
Meunurot bak berita di Acehonline.co, tanggai 26 buleun 2 baroe, memang yum meuh that teuga ji ek kalinyoe. "Yum meuh drahtih that ji ek, 100 ribee rupia sigo ek, meunyo ta bandeng ngon buleun nyang ka leupaah. Nyan ka roh ngon eungkoh peugot." Kheun bang Tami, awak meukat meuh bak Toko Sinar Mustika di Pasai Aceh, likot Seumijid Raya.
Lheuh nyan geulanjot lom nyang bahwa, leupah ramee ureueng jak publoe meuh bak masa ji ek yum meuh.
Meunurot info, yum meuh ji ek gara-gara masalah virus Corona. Mulai dari Cina sampo 'an nanggroe laen dum. Jadi trok bak meuh keunong efek. Bek neupike kiban di virus nyan. Tapi kon beurarti ji duek viruh lam meuh. bek salah meuphom trok keunan eunteuk.
Meunurot bang Tami, bak sang ukeu teuma jitren lom. Teuman dum toh ji tren hana meudum sit lom. "Meuh bak tanyoe di Banda, ta ikot lagee yum donya sit."
Nyan ban kira ju. Jadi keu aneuk kumuen Apa Raban nyang mantong goh kawen lom bek gundah. Saba sagai beurayek, Apa pih hana pat bantu kiraju. Nasaja kiraju dum.
0 Response to "2,4 Juta si Manyam, Meu Asek Lheuh Ulee Aneuk Muda"
Post a Comment