Teungöh Mangat Muek Sabu, Lhèe Droe Inöng Aceh Jibeureukah Lé Peulisi
Nasaja Berita – Banda Aceh, Gabuek awak peulisi dari Polresta Banda Aceh kalinyoe bak jak beureukah awak muek sabu-sabu d Geuceu Kayè Jato, Banda Aceh. Teungöh mangat jisantai-santai lam uroe tarék ka suah jak beureukah ureung. That na teuh.
Nyang jnbeureukah lhèe droe awak inöng, dua droe awak agam. Leupah kachoe kiraju. Meunyo baroekön asai sapat agam ngön inöng jipeulahé aneuk bajeung. Jinoe ka meutamah sipu teuk, ji h'uep sabu-sabu. Teuman pu kueh lheuh mabôk na jisambông hèl'è-hèl'è lom nyan hom jih.
Jadi nyang jidrop limöng droe. DS (34), IY (36), NS (45), SH (55) ngön CF (26). Info nyan dari laporan masyarakat sagoe nyan. Jibeureukah bak rumoh si IY.
IY ngön NS nyan lakoe binoe. That geu p'uep daih kiraju. Cocok that meuteumè ngön. Awak nyan dua peusiap teumpat. Sabu-sabu jiba lé DS ata jibloe bak si Ujangnyang jinoe ka lam DPO.
Geupeugah lé Kasat Resnarkoba AKP Boby Putra Ramadhan Sebayang, warga sagoe nyan brat that meuganggu ka ngön keujadian nyang jipeulaku lé awak nyan.
"Panè na, kamoe asai na laporan langsông meucok tindakan, meujak seulidiki. Paih meujak seulidik sit meubeureukah laju. Teungöh jimeukhanduri sabu-sabu. Raseuki that." Kheun Pak Boby bunoe Hamèh (12/12).
Keu barang bukti na 0,8 gram sabu-sabu. Hana trôk meu si 'on pih. Tapi adak dum nan, jiteumè reulöh utak teuh sit gara-gara sabu nyan. Seulaén nyan na bong, untuk alat ji h'uep nyan. Nyan sabu ata jibloe 250 ribè rupiah di kawasan Krueng Neng, Banda Aceh.
Ka meuramah awak nyan, jisak lam peunjara. Meunan Apa baca bak Kanalaceh.
0 Response to "Teungöh Mangat Muek Sabu, Lhèe Droe Inöng Aceh Jibeureukah Lé Peulisi"
Post a Comment