Teungku Ni: Bèk Jipiké GAM Hana Lé, Tanyoe Ta Tém Mantöng, Kön Han Ta Tém
Nasaja Berita - Banda Aceh, Keutua Panitia silaturahmi akbar GAM bansigom Aceh, Teungku Zulkarnaini Hamzah atawa nyang lé geutanyoe akrab taapa Teungku Ni, geupeugah nyang bahwa sampoe saat nyoe le that mantöng GAM meuseutia ateuh perjuangan.
Teubukti, kheun Teungku Ni, acara silaturahmi akbar GAM bansigom Aceh mantöng neuhadir lé para kombatan GAM dari mandum daerah.
“Bèk jipiké GAM ka hana lé. Tanyoe ta tém mantöng, kön han ta tém lé” kheun Teungku Ni.
Teungku Ni geuharap Poemerintah Indoneh beu ék jitunai ubé na janji lagèe nyang ka saban ta sepakati lam MoU Helsinki.
“Pu-pu nyang ka jimeujanji, nyan mandum harus jitepati,” sambông Teungku Ni.
Geupeugah lé Teungku Ni nyoe nyang hadir lam acara silaturrahmi di komplek Meureue nyoe na keuh bukti bahwa ubé na GAM adalah ureung nyang meuseuti keu Aceh.
Teungku Ni geubôh istilah keu hai nyan (meusaboh dan meuseutia nyan) deungön nasional Aceh. Hai nyoe geupeusampoe lé Teungku Ni lam sambutan di Komplek Meureue, Seulanyan 23 Desember baroe
“Ureung-ureung droneuh nyang katrôk u lokasi adalah ureung-ureung nyang setiapl keu kepentingan Aceh. Kepentingan nasional Aceh,” kheun Teungku Ni.
Menurut Teungku Ni, silaturahmi nyoe keu bukti bahwa GAM mantöng solid dan siap untuk Aceh.
“GAM na tanggôngjaweub untuk Aceh. Tanyoe na tanggôngjaweub seujarah seureuta peuliték,” sambông Teungku Ni lom.
Meunan Apa baca bak Atjehwatch.
Nyan ka cocok that haba nyan bak Apa kira. Seubab meunyo keu Aceh beurangkaban ta tém. Asai beutôi peugah lagèe buet, seureuta pubuet lagèe na. Nyan ka Apa teken. Nasaja kiraju.
0 Response to "Teungku Ni: Bèk Jipiké GAM Hana Lé, Tanyoe Ta Tém Mantöng, Kön Han Ta Tém"
Post a Comment