SKULL: Meunyo Han Neurehab Stadiôn Harapan Bangsa, Kamoe Demo
Nasaja Berita - Banda Aceh, Suporter Persiraja Banda Aceh atawa nyang jiseubôt lé awak nyoe deungön nan SKULL jilakè bak Poemerintah Aceh, lam hai nyoe, Pak Plt Gubernur Aceh untuk peubèrèh seutadion atawa lapangan bola Harapan Bangsa di Lhông Raya. Seubab lheuh jiparéksa baroesa lé awak PSSI, han jeut ngui seutadion nyan.
Lam aksi nyan jipeuduek di leun Stadion Harapan Bangsa, Lhông Raya, Banda Aceh, uroe Seulanyan (16/12) baroe, awak nyoe jipeuingat keulayi Pak Plt Gubernur supaya bèk tuwö geuh. Awai ka tom geujanji nyang bahwa akan geubantu tim sipak boh bhan nyang paléng jibanggga lé masyarakat Aceh, nyakni Persiraja.
Boh bhan nyan masa kamoe jameun. Jinoe mandum jipeugah bola. Awai meu'en bhan lam lampôh u. Jinoe meu'en bola bak seutadiôn. Jadi meunyo Apa kheun boh bhan, nyan meunurôt jameun Apa ju.
Seubab seutadion Harapan Bangsa nyan akan jeut keu homebase Persiraja lam musém ukeu nyoe. Stadion nyan lö ureung kira-kira 45 ribèe droe. Dan peurlè rehab lagè haba nyang ji yu lé awak tim verifikator PT LIB.
Dirjen SKULL, Teuku Mufri geupeugah, pihak ureung nyan beu bèk sagai-sagai Persiraja nyoe suah meu'en keudéh u luwa Aceh, gara-gara Stadion Harapan Bangsa jianggah han sép syarat lagèe nyang jipeugah lé PT LIB.
Nyoe pendukung atawa suporter dan pecinta Persiraja, ka siap untuk tren bak jalan jak demo, jak tagih janji pak Nova meunyo han geupeu'eu pu nyang jilakè kalinyoe.
"Mungkén kamoe akan meutren langsông baknjalan, mungkén u kantô-kantô kamoe meujak untuk jak mita dana keu rehab stadion nyan." Kheun beliau nyan.
Suporter, hana mau tau keu dari panè pèng nyang akan jicok lé poemerintah untuk jak rehab stadion. Nyang inti jih poemerintah Aceh beu na solusi teukaét masalah nyoe. Lanjôt Mufri.
"Keu kiban, hana ban-ban, nyan pokok jih poemerintah nyang tu'oh ban." That na teuh kiraju.
Meunan leubèh kureung asoe berita bak Kanalaceh ata jituléh lé Randhy. Di Apa bak nasaja lam basa Aceh nyangkeuh lagèe nyan ju. Lagèe na ju. Hana meutu'oh beu meunyakni bak teumuléh berita lam basa Aceh. Nasaja kiraju berita.
0 Response to "SKULL: Meunyo Han Neurehab Stadiôn Harapan Bangsa, Kamoe Demo"
Post a Comment