Puan Maharani: Hukôm Maté Koruptor Nyan Meulangga HAM
Nasaja Berita – Jakarta, Leupah gura di Buk Puan Maharani aneuk Buk Megawati neukiraju. Baroesa Pak Presiden Jokowi ka jeut meunyo keuneuk hukôm maté awak korupsi pèng neugara. Deungön syarat beujeulaih lam undang-undang pidana.
Haba nyan geupeugah lé Pak.Jokowi bak SMKN 57 Ragunan lam acara Hari Anti Korupsi Donya.
Nyoe di buk Puan seulaku DPR awak atô undang-undang ka han sagai-sagai keu hukôm maté. Alasan jih meulangga HAM.
That geusôh min dih asai ka keu awak korupsi ka meulangga HAM hai. Jéh pat di Papua, jameun di Aceh sép ma ih maté ureung ubé na, pat HAM, lam paleut teuntra dum. Alah ma beh teuh,ka rôh meuceuköt keu bhaih jameun. Hana meupu pih. Han jeut ingat-ingat lé nyan, ka damè. Ingat-ingat teuh han jibrie ingat lé. Kakeuh peutuwö-tuwö droe ju.
"Nyan kön, meulangga HAM." Kheun Puan watèe di Kompleks Parlemen, Senayan, Jakarta, Hamèh (12/12) baroe.
Puan jilakè wacana nyan haruih kalön lom, pu na suah peulaku atawa hana. Seubab bhaih hukôman korupsi nyan ka na lam undang-undang. Dan meunyo jak hukôm maté, malah meulanggéh ngön undang-udang.
Jadi Puan jisaran, daripada-daripada kakeuh bah lagèe nyang ka na nyan ju. Bèk ubah lé. Nyang na eunteuk meumasalah laén lom. Kheun Puan. Meunan bak Merdeka ji tuléh.
Keu bhaih haba wacana nyang jibantah lé Puan nyan na Apa peu ék sit bak nasaja berita. Neu baca ju, ata baroe.
0 Response to "Puan Maharani: Hukôm Maté Koruptor Nyan Meulangga HAM"
Post a Comment