Poemerintah Aceh Peuduek Gelar Budaya di Solo, Peunajôh Pré Bak Acara Car Free Day
Nasaja Berita - Solo, Nyan hai poemerintah Aceh melalui Badan Penghubung Pemerintah Aceh (BPPA) rupajih na geupeuduk Pentas Kebudayaan dan Kuliner Aceh di Solo, Jawa Tengah, bak gampông Pak Dhe Owiwi. Acra nyan geupeuduek paih bak Area Car Free Day di Jalan Slamet Riyadi, Solo, Aleuhad, 14 Desember 2019 baroe.
Kepala BPPA, Almuniza Kamal, S.STP, M.Si geupeugah keugiatan nyan katrép ka geurencana. Pentas dan Kuliner Aceh nyan keu pembukaan acara itu keugiatan Tari 1001 Ratoh Jaroe nyang akan geulaksanakan bak bulan Februari 2020 trôk nyoe.
"Seugolom jih, kamoe kalheuh meureumpök ngön SWalikota Solo, F.X. Hadi Rudyatmo, bak uroe Seulanyan, 9 Desember 2019 baroesa. Lam pertemuan nyan meuceuköt keu bhaih rencana soft Launching Tari 1001 Ratoh Jaroe nyang akan tabuka ngön Pentas Kebudayaan dan Kuliner Aceh nyoe. Dan Pak Hadi nyan seunang geuh ngön rencana acara nyan." Calitra j Almuniza lam keterangan gobnyan.
Keu tujuan keugiatan nyan na keuh salah sabih visi misi dari BPPA sesuai ngön Peraturan Gubernur Aceh Nomor 105 Tahun 2016 yang tercantum bak poin (e), nyakni promosi potensi, sumber daya alam dan seni budaya Aceh.
Lom pih, lanjôt Pak Almuniza, na keberagaman nyang haruih saban-saban tajaga, pu lom jinoe ta kalön kondisi nanggroe Indoneh nyoe teungöh jipeukotak-kotak meunan sang rasa jih. Jadi Indonesia Satu nyan peurlè tajaga. Bèk sampé kachoe kedamaian geutanyoe mandum.
"Makajih tanyoe haruih saban-saban tajaga. Kiban tajaga? Nyankeuh ngón cara lagèe nyoe. Seubab dari jameun, kebudaayn sabé jeut keu penyatu masyarakat tanyoe nyang macam bagoe nyoe. Dan leumah dali uroe nyoe." Kheun Pak nyan.
Seubeutôi jih leupah panyang rilih berita lam basa Indoneh tapi Apa koh ju bacut beh. Seubab calitra jaga persatuan indoneh nah. Kön ka meupu dan ka meu'oh ju.
Bak ujông buet, Almuniza geupakat ubé na ureung nyang hadir bak acara nhan untuk pajôh kuwéh khas Aceh. Lagèe Mie Aceh, Timön Krok, Martabak, dan kupi Aceh seucara gratih. Di Apa Raban nyang tuléh berita nyoe meuduek bak keudè kupi. Ka suah bayeu kupi. That na teuh. Ka suah yu tuléh bôn lom bak poe keudè sang. Thôn ukeu sigö ta bayeu.
Pentas Kebudayaan dan Kuliner Aceh nyan jalan acara beureukat na keurijasama ngön Poemerintah Kota Solo, nyang jibantu lé awak Sanggar Aneuk Nanggroe Nusantara pimpinan Hasanul Muttakin (Sansa Community), salah saboh Pusat Tarian Aceh di Kota Solo.
0 Response to "Poemerintah Aceh Peuduek Gelar Budaya di Solo, Peunajôh Pré Bak Acara Car Free Day"
Post a Comment