Plt Gubernur Peuteubiet Surat Edaran Iktikeud Aswaja, PDA: Nyan Ka Timang
Nasaja Berita - Banda Aceh, Partai Daerah Aceh (PDA) kalinyoe nyang phôn that brie komentar keu surat edaran Pelaksana tugas (Plt) Gubernur Aceh, Nova Iriansyah nyang asoe jih meutham pengajian dan kajian seulaén nyang meu i'tikeud Ahlussunnah wal Jama'ah deungön nomor surat 450/21770 tanggai 13 Desember 2019 baroesa.
Surat ka mulai tanggai 13, nyoe karap tanggai 30 barô teukeujöt teuh dum. That na teuh. Sang lawét nyoe teungöh laloe ngön pu laén.
Beh ka, jadi dukungan dan apresiasi nyan geusampaikan lé Sekjen DPP PDA, Teungku Razuan bak media röt siaran pers pada Kamis (26/12/2019) di Banda Aceh. Keu Nasaja Berita na trôk sit, bèk neupiké kiban.
"Kamoe brat ju meu apresiasi dan mendukông langkah Plt. Gubernur Aceh nyang ka teugaih geucok sikap seureuta tindakan terhadap kajian dan pengajian nyang na di lua daripada i'tiqad Ahlussunnah wal Jamaah," kheun Teungku Razuan.
Meunurōt Teungku Razuan nyang juga sidroe alumni Dayah Darussalam Labuhan Haji, nyan langkah Pak Plt ka ateuh garéh. Mangat bèk karu lé lam beut seureuta ibadah di Aceh. Beu rukôn keulayi.
"Lawét nyoe kajian dan beut di lua daripada paham aswaja nyan kajeut keu peunyakét nyang peugöt karu lam nanggroe, lam masyarakat. Lagèe Wahabi atawa nyang laén. Maka surat Plt nyan sit ka paih that. Dan haruih ta kawai nyan," kheun gobnyan lom.
Aqidah Ahlussunna wal Jamaah (Asyariyyah dan Maturidiyyah) deungön Mazhab Syafi'i sit ka trép that ka di Aceh. Rap mandum urueng Aceh Aswaja. Ka dari masa keurajeun awai ka.
"Ahlussunnah wal Jamaah nakeuh i'tikeud dan aqidah nyang ka trép dk Aceh. Meu meudarah gapah kiraju. Bak masa keurajeun Aceh kön ka mulai geutham nyang seulaén Aswaja. Makajih ta peugah timang that langkah Pak Nova. Dan tanyoe rakyat beutadukông." Lanjôt Sekjen PDA nyan.
Nyan surat ka na, dari Plt Gubernur bahkan, ci beujideungö. Bèk sampé jeut keu karu meuhan. "Seubab mandum aturan lam poemerintah ka na, bèm eunteuk watèe beungèh masyarakat jak peucrok awak nyan, ka salah masyarakat. Seubab jipeububar deungön cara paksa." Meunan geutôp rilih keu Nasaja Berita.
Memang sigö-gö sit bèrèh pak Nova Iriansyah. Nyan ka Apa teken kiraju. Beu brat lom bèrèh nyan, bhaih laén-laén lom hanjeut leumöh sit.
Nyoe pat surat edaran nyan beh.
0 Response to "Plt Gubernur Peuteubiet Surat Edaran Iktikeud Aswaja, PDA: Nyan Ka Timang"
Post a Comment