Majeulieh Tastafi Aceh Rayek Fokuih Beurantaih Paham Wahabi
Nasaja Berita - Banda Aceh, Majeulieh Pengajian dan Zikir Tastafi (Tasawif, Tauhid & Fikih) Kabupaten Aceh Rayek uroe Rabu nyang ka leupah nibak tanggai 11/12 sampo uroe Jeumeu'at tanggai 13/12 na geupeugöt rapat koordinasi deungön rata-rata majrulieh pengajian nyang na di Kabupaten nyan.
Acara rakor nyan geubuka lé Waled Husaini A Wahab Seulimum seulaku Waki Bupati Aceh Rayek.
Lam sambutan, Waled neuharap peungurôih Tastafi Aceh Rayek nyoe beurayek lom neucok peran dan kontribusi untuk peuköng paham aswaja di Aceh Rayek. Beujeut keu benteng peutheun aqidah aswaja. Pakat ureung jak beut bak teumpat nyang beutôi, nyang meu akidah Ahlussunnah wal Jama'ah.
"Adak meujeut materi pengajian nyang geusampaikan lam majeulieh beut beu fokus bak pemantapan aqidah, ibadah dan laén-laén. Pu lon lawét nyoe Aceh Rayek nyoe leupah rawan ka neukiraju jiserang lé peunyakét Wahabisasi." Harap Waled.
Seumentara Teungku Saifuddin seulaku keutua Tastafi Aceh Rayek sajan Teungku Marbawi Yusuf seulaku Sekjen seupakat that ju ngön haba Waled Husaini.
Seubab meunurôt pantauan ureung nyan. Aceh Rayek sit brat that ka jiserang lé paham Wahabi.
Makajih Teungku Marbawi Yusuf geupeusampo nyang bahwa ukeu nyoe akan leubèh brat ta fokus lawan peunyakét wahabi di Aceh Rayek
"Ukeu nyoe insyaAllah pengajian dan zikir Tastafi akan ta fokus untu ta prang paham-paham Wahabi nyang na di Aceh Rayek meulalui majeulieh-majeulieh pengajian nyang na." Kheun Teungku Marbawi nyang seukalian jinoe geuduek keu keutua Rabithah Thaliban Aceh.
Meunan Apa baca bak Mediaceh, Korankita, dan laén-laén lom.
0 Response to "Majeulieh Tastafi Aceh Rayek Fokuih Beurantaih Paham Wahabi"
Post a Comment