Kasuih Narkoba, 36 Droe Peulisi dari Polres Lhôkseumawe Keunöng Peucat
Nasaja Berita - Lhokseumawe, Jadi meunoe, thô ie tinggai anoe. Meunyo ta hitông dari buleun Januari sampoe 'an buleun Deseber nyoe hana kureung bak 36 droe anggota peulisi dari Polres Kota Lhokseumawe Aceh nyang jipeucat, gara-gara rôh meusalah buet lam hau narkoba.
Meunan Apa baca bak AJNN bunoe.
"Kalheuh ta pecat 36 droe. Tanyoe hana meuayang-ayang hinoe bak nyoe." Kheun Pak Kapolres, AKBP Ari Lasta Irawan.
Lheuh nyan geulanjôt lom, nyang bahwa TNI ngön Polri sit brat that seuriuh ju, komitmen ngön peraturan. Asai kalheuh tes urine ('iek) dan rôh lam masalah narkoba ,teutap peucat.
"Hana ampôn meunyo ka bhaih narkoba." Kheun Pak Ari nyan.
Seugolom jih, lam thôn nyoe Polres Lhokseumawe ék meuungkap 105 boh kasuih narkoba nyang na di kawasan nyan. 17 kasuih ganja, 87 kasuih sabu dan saboh kasuih ekstasi.
Keu barang bukti na 26kg sabu, 105kg ganja dan 2.000 neuk pil ekstasi. Hana cilèt-cilèt biet. Nyang jibeureukah mandum 154 droe tersangka. That ancô biet ka Aceh. Rata sagoe narkoba. That geusôh ku dih. Nasaja kiraju dum, han ék ta piké.
0 Response to "Kasuih Narkoba, 36 Droe Peulisi dari Polres Lhôkseumawe Keunöng Peucat"
Post a Comment