Ka Lom! Masyarakat Peububar Pengajian Useutad Farhan Furaihan di Punge Blang Cut
Nasaja Berita – Banda Aceh, Ka lom di useutad Pareuhan Purehan (meutuléh kagè biasa meuseubôt, nyang nan beliau nyan Farhan Abu Furaihan ,teuman Apa han rôh meukheun, kakeuh meunan ju ilèe siat), bunoe lheuh leuhô na trôk info yang bahwa karap jadèh karu di gampông Punge Blang Cut seubab na jipeuduek peungajian di sinan. Keujadian jih bunoe beungöh, alèh poh padum hom.
Teuman jipeuduek pengajian pakön jeut ék keu karu? Kön nyan nyang jitimöh soalan lam ulèe ureung baca? Jadi meunoe, useutad Pareuhan nyan lam padum thôn nyoe sit le that kontroversi lam masayarakat. Alèh pu wap, hana that meuphom sit.
Na nyang peugah, gopnyan Wahabi. Teuma alèh keubiet hom. Adak Apa pih hana that meuphôm keu bhaih Wahabi nyan.
Beh ka, jadi pu seubab peukara karu, ék sampé trôh masyarakat jak peububar pengajian awak useutad Pareuhan. Meunurôt info dari intelijèn Bageudad wilayah Pungè, acara pengajian nyan ka dari baroe ka meuganggu. Seubab lam gampông nyan teungöh geumeusaboh droe lam acara khanduri mulôd. Teuman ka na acara laén lam gampông. Dum beut atawa majeulieh nyang biasa geupeupré untuk peurayek khanduri mulôd, katrôk awak peugöt beut laén bak uroe mulôd.
Icaih teuk masyarakat. Jatah ka baroe ka icaih, teuman geutheun droe. Bèk sampé hana jadèh khanduri mulôd bak jak peuteupat nyan. Makajih uroe nyoe barô jeut geu eksekusi lé ureung gampông. Nyan ban info intelijen. Meunyo salah info, kakeu salah intelijen, suah pecat ju lusa sang.
Video bak peseubôk Muhammad Batee jeut neukalön, nyang bagi ka leubèh seureutôh. Nyan meusigö ngön-ngön komen ju neubaca hinan.
Teuman hana karu-karu bunoe. Jak masyarakat dan waki-waki masyarakat lam gampông, untuk peugah beugöt-göt. Bahkan na pak Kapolsek sit. Supaya bèk karu.
Nasaja kiraju, macam dum. Adak meudéh kön bèk meunan. Kön hanjeut peuduek majeulieh beut. Tapi beu meuhargai poe gampông. O keu wahabi nyan seusat, salah atawa kiban, nyan bah urusan teungku-teungku nyang peuteupat. Apa pih suah peuteupat droe sit ilèe, ka meuhi kiwieng siangèn.
0 Response to "Ka Lom! Masyarakat Peububar Pengajian Useutad Farhan Furaihan di Punge Blang Cut"
Post a Comment