Jak Glueng Perawat, Waki Bupati Aceh Timu Ka Jilapor bak Polda
Nasaja Berita – Banda Aceh, Waki Bupati Aceh Timur, Syahrul bin Syama'un ka ilapor lé awak nuoe bak Polda neukiraju gara-gara na dugaan gobnyan geujak glueng sidroe perawa bak rumôh sakét Sultan Abdul Aziz Syah Peurelak, Aceh Timu.
Korban nyang keunöng glueng nakeuh Ns.Fani Adi Riska, ka trôk bam Sentral Pelayanan Kepolisian Terpadu (SKPT) Polda Aceh jipeungön lé kuasa hukum, Chandra Septia ngön Ketua DPW PPNI Abdul Rahman.
Laporan nyan ka jiteurimöng lé pihak Polda Aceh dengön nomor LP/271/XII/Yan 2.3/2019/SPKT, bak uroe Seulanyan (16/12) baroe.
"Uroe nyoe kamoe meujak lapor ateuh dugaan seumeupoh dan elanyan seucara fisik nyang geupubuet lé Waki Bupati Aceh Timu watè awai buleun 12 baroesa." Kheun Kuasa Hukôm pelapor, Chandra Septia.
Geupeugah lom nyang bahwa keujadian jih nyan watè na trôk pasien u IGD, seubab pasien nyan brat that seusak naphaih,si perawat nyan ijak mita oksigen untuk i ba u ruang perawatan mangat jeut ji brie keu pasien." Kheun gobnyan.
Watè perawat nyan teungöh jipasang oksigen, calitra Pak Chandra, meutrôk teuk Waki Bupati geuglueng jih bak pruet sampé meujungkat jih, meutumpôk sajan ngön tabung oksigen nyang na sajan perawat nyan.
"Pak Waki nyan na rencana geujak takat sigö teuk, teuman jitheun lé pasien nyang na bak ruang nyan. Lheuh nyan sép min dih geuteunak awak i dalam. Geudhet meukeupôi neukiraju." Lanjôt calitra gobnyan.
Geupeugah lom nyang bahwa gara-gra keujadian nyan, si perawat nyan sakét lam pruet dan teumakôt jih. Shock atawa trauma meunyoe kheun lam basa awak nyoe.
"Korban meurasa sakét lam pruet." Kheun gobnyan lom.
Kiban han sakét roh. Meu keunöng glueng bak punggông pih ukuran meutheun geuntet teuh meu dua uroe. Man bak pruet keunöng glueng, na can teusuet bayi-bayi gajah kiraju bah pih kön teungöh mumè. That na teuh kiraju.
Sementara nyan ketua DPW Persatuan Perawat Nasional Indonesia( PPNI ) Aceh, Abdurrahman geupeusampo nyanh bahwa pihak ureung nyan akan geubrie bantuan hukôm keu anggota perawat nyang na sajan PPNI.
"Tanyoe sabé ta dampingi korban. Ta peungön. Ta harap beu jiprosèh ngön hukôm nyang na berlaku lam nanggroe nyoe." Kheun keutua PPNI nyan.
Meunan Apa baca bak AJNN nyanh peu ék lé Tommy.
Nasaja kiraju, pakön ék sampé geujak glueng perawat teuman. Meunyo sangkira aneuk kumuen Apa nyang keunöng glueng meunan. Ngön tabung oksigèn ta lam lam punggông geuh. Soe-soe jikeudéh. Ka sép ta theun glueng jameun masa konflik, gara-gara hana rôh teu ba KTP mirah putéh nyan, si uroe lhèe gö keunöng glueng kiraju. That budôk akai.
0 Response to "Jak Glueng Perawat, Waki Bupati Aceh Timu Ka Jilapor bak Polda"
Post a Comment