Fatwa MPU: Hareum Tipèk Simbol Agama Bak Moto, Bajè, Kupiah
Nasaja Berita – Banda Aceh, Majeulih Permusyawaratan Ulama (MPU) Aceh ka geupeuteubiet fatwa masalah saleum, doa dan simbol lintaih agama lam perseupektif syari'at islam.
Salah saboh poin nyang geubahaih nakeuh bhaih tipèk simbol agama bak seumbarang teumpat.
Waki Keutua MPU, Lem Faisal atawa Teungku Faisal Ali neupeugah, bagi umat Islam, jak pasang simbol agama lagèe tulésan Laailahaillah atawa ayat Quran laén bak seumbarang teumpat lagèe moto, peci, bajèe, nyan geularang.
Meunurôt Lem, nyang jeut, nakeuh bak bintéh rumoh atawa bak pintô. Meunyo lagèe bak teumpat nyang ta peugah bunoe nyan, kureung terhormat.
"Miseujih kalimat syahadat bak bajèe. Nyan watè jirhah kiban? Bak kaca moto, kiban watè jirhah? Kadang sit na rôh ji gilhö kiban nyan? Makajih bagi geutanyoe umat Islam kalimah dan simbol nyan beu ta peuduek bak teumpat terhormat. Meunyo hana terhormat geularang pasang nyan." Kheun Lém Faisal bak kantô MPU bunoe Hamèh (12/12).
Meunan sit meunyo simbol agam laén. Nyan hanjeut sit. E hana si meunyo ureung Islam bak nanggroe nyang le awak kaphèe. Nyan kadang darurat, maka jeut.
Fatwa nyan nakeuh hasé daripada sidang paripurna MPU Aceh lam poin keu sikureung nyang asoe jih, "penggunaan simbol-simbol agama islam secara sembarangan dan sengaja adalah haram."
Meunan Apa baca bak Kanal Aceh bunoe.
0 Response to "Fatwa MPU: Hareum Tipèk Simbol Agama Bak Moto, Bajè, Kupiah"
Post a Comment