Lheuh Gugele Transeulét, Kalinyoe Gugele Maps Teuman Nyang Mita Karu
Nasaja Berita – Banda Aceh, Ka lom di Gugele nyan neukiraju. Baroesa meumasalah lam terjemah, bak gugele transeulet, meunyo ta terjemah saboh frasa (dua kata) dan na kata "Aceh" lam frasa nyan.
Gara-gara nyan abéh gabuek ureung mansaboh nanggroe dum neukiraju. Sampé-sampe na nyang jak u Jakarta, jak meureumpöm langsong ngön awak gugele. That jipeugabuk ureung dum.
Teuman masalah nyan jinoe siat ka seuleusoe ilèe. Jinoe ka laén lom peukara.
Kalinyoe kön lé gugele transeulet, tapi gugele maps.
Teuman pu keujadian di gugele maps nyan pih. Mangat meupu, ci keuh neu buka gugele maps nyan, neu ketik Banda Aceh. Neu kalön keudroe pu gamba jiteubiet. Pu keuh mantöng gamba ureung agam teulhôn nyang hana bajè tan siluweu, jituléh bak paleut jih lam basa inggreh, "Protest Sharia Law" nyang areuti jih jak proteh hukôm syari'at islam di Aceh.
Nyan poto lam poh seteungöh lhèe malam, tanggai 4 buleun 11 thôn 2019.
Teuman soe nyang salah nyang Apa pih an meuphom. Pu keuh awak gugele atawa na awak laén nyang jak hek hek dum. Seubab jinoe macam dum, donya ka canggih, peukateun ka macam model neukiraju.
That jimita cungkh'eng biet dum ureung ngön Aceh lawet nyoe. Di geutanyoe Aceh pih, alah ma beh teuh, hanjeut meu ta peugah pih nah. Nasaja kiraju keujadian.
0 Response to "Lheuh Gugele Transeulét, Kalinyoe Gugele Maps Teuman Nyang Mita Karu"
Post a Comment