Fadhil Rahmi Peuingat Poemerintah Jokowi Bahwa Aceh Na Hak Khusuih
Nasaja Berita - Banda Aceh, Senator DPD RI asal Aceh, H M. Fadhil Rahmi, geuharap nyang bahwa bak periode kedua Pak Joko Widodo sebagoe presiden Republik Indonesia mangat leubeh peka keu daerah-daerah nyang na hak khusuih. Teuleubeh jih Aceh.
Haba nyoe geupeusampo le Syeh Fadhil, nan nyang biasa ji meuhei le awak nyoe, teukaet harapan geuh bak Jokowi- Makruf nyang akan seugera jilatik seubagoepresiden dan wakil presiden untuk periode kedua bak uroe Aleuhad 20/10/2019 singoh.
"Ha nyoe harapan lon. Artijih poemerintah pusat haruih ek jipeupham kiban sifeuta dan karakter tiep-tiep daerah nyang beda-beda dan beuragam. Miseu jih untuk Aceh, haruih geuhormati keistimewaan seureuta kehukhususan nyang ka saban-saban seupakat awai bak MoU Helsnki dan lam UUPA." Kheun Fadhil Rahmi bak uroe Sabtu 19/10/2019 bunoe.
“Nyang paleng peunteng diimplementasikan atwa beugeupubuet. Nyan poin utama jih” kheun gob nyan lom.
“Harapann teuh, seumoga bak periode kedua leubeh get dari nyang phon lam segala hal. Khusuih keu Aceh, agar janji-janji kampanye atawa nyang non kampanye beu geupubuet.” Sambong mantan ketua IKAT Aceh nyan.
Dumpu janji nyan, meuseu lagee jatah brie dana Otsus sabe-sabe keu Aceh. Bek meumada sampe tin 2027 tok. Meunan sit keu bhaih proyek-proyek strategis Nasional di Aceh, lagee jalan Tol, Bendungan atawa seuneulhop, seureuta nyang laen-laen lom.
“Nyang paleng utama dan paleng peunteng nakeuh pelaksanaan keistimewaan dan kekhususan Aceh lagee nyang ka na meutuleh lam UUPA. Turunan asoe UUPA haruih jeut keu saboh prioritaih. Meunyo peurle, bentuk tim adhoc untuk peubagah realisasi UUPA lagee haba Mualem. Nyoe peurle ta dukong saban-saban teuh mandum.'
Meunan Apa baca bak Atjehwatch.com ata geupeu ek le bang Murdani.
0 Response to "Fadhil Rahmi Peuingat Poemerintah Jokowi Bahwa Aceh Na Hak Khusuih"
Post a Comment