Séip Can DPRA! Meureumpök 10 Juta Sapoe Dang Jeut Duek Rumoh Dinaih
Nasaja Berita – Aceh, Anggota Dewan Perwakilan Rakyat Aceh (DPRA) periode 2019-2024 sampé inoehat hana jeut meuduek bak rumoh dinaih lom di Kompleks DPRA Gampông Meunasah Papeun, Kecamatan Krueng Barona Jaya, Aceh Besar.
Menurôt Sekretarih Dewan (Sekwan) DPRA, Suhaimi SH MH, awak Dewan nyoe hana lom meuduek di rumoh dinaih nyan seubab seucara atôran, anggota DPRA periode nyang ka leupah (2014-2019) mantöng na hak untuk duek bak rumoh dinaih nyan siat nyoe.
Nyan ka teuatô lam PP Nomor 18 tahun 2017 tentang Hak Keuangan dan Admnisitrasi anggota legislatif.
"Nyo, hana lom. Seucara atôran, anggota dewan awai mantöng jeut tinggai bak rumoh nyan sampoe sibuleun lheuh abéh masa jabatan, nyan sesuai ngön PP Nomor 18 tahun 2017 tentang Hak Keuangan dan Admnisitrasi anggota legislatif," kheun Pak Suhaimi Seulanyan (14/10/2019) baroe.
Teuman pat sit ji tinggai 81 droe awak DPRA nyang ban jilantik tanggai 30 buleun baroe?
Geupeugah lé Pak Suhaimi nyan, mandum anggota dewan nyan na hak meureumpök jatah dana 10 juta rupiah per buleun untuk gantô bayeu sewa rumoh, seulama gohlom jeut duek bak rumoh dinaih nyan.
Teuman dana nyan hana oat peucaé lom, seubab hana lom na persetujuan sidéh di Mendagri.
"Tapi sampé inoehat uroe hana lom na persetujuan, seubab pergub nyan mantöng jievaluasi lé Mendagri beu seusuai ngön atôran nyang barô jinoe. Nyan meureumpök 10 juta sidroe ureung, ka rôh pajak lam 10 juta nyan, tapi jeut jievaluasi lom lé Mendagri. Nyo 10 juta." Meunan geuulang haba, bak geupeuyakin droe di Pak Sekwan nyan.
Nyang draft jih kalheuh teukirém u Mendagri lé awak biro hukum, geupeutrang lom lé Pak Suhaimi ,teuman hana lom na haba sapu lom ka inoehat uroe.
Geulanjôt lom nyang bahwa thôn ukeu akan na pengadaannbarô lom untuk alat-alat nyang na bak rumoh dinaih nyan eunteuk teuma.
"Untuk periode barô, thôn ukeu, akan na pengadaan. Saat nyoe, rumoh-rumoh dinaih nyan pih teungöh lam pemeliharaan, goh meujimulai pih lom." Meunan geupungkaih haba lé Suhaimi.(*)
Leupah can jeut keu anggota dewan rupajih. Alah Da Mulah hana teupiléh baroesa, adak meudéh ka woe rumoh barô kalinyoe kamoe. Atawa meureumpök pèng prèe 10 juta. That raseuki keubiet dewan meutuwah nyan. Hawa tanyoe-tanyoe rakyat kiraju.
Meunan Apa baca bak Korankita.top beuklam, awak nyan jicok bak Serambinews beuklam nyang jituléh lé Subur Dani.
0 Response to "Séip Can DPRA! Meureumpök 10 Juta Sapoe Dang Jeut Duek Rumoh Dinaih"
Post a Comment