Beda Seumayang Suboh Aneuk Dayah Ngon Suboh Nyang Ka Teubiet Dari Dayah
Nasaja Berita - Agama, Mungken rame nyang hireun, pu ka bhah kalinyoe pakon ek ji ek berita deungon judul meunan? Nyoe kon haba meu ka haba, kon haba jak mita peukara. Tapi nyoe haba nakeuh peugah lagee na, ta peugah kiban keujadian ngon fakta, meuhan kakeuh suah ta ganto nan, kon le nasaja berita. That na teuh kiraju.
Teuman pat jiduek beda, bek le that mukaddimah, kon teungoh ta ikot lomba pidato, dan hana peurle panyang that pujo, kon teungoh lam rukon dua al khuteubah.
Nyang keuphon, lam dayah atawa peusantren, seumayang Suboh nyan le keu nyang wajeb dong meu jama'ah. Seumayang rame-rame meuikot imum. Seudang lheuh teubiet dari dayah atawa peusantren, ka mulai seumayang sidroe lam kama. Nyan pih meunyo na soe pugoe.
Nyang brat lom parah nyang keuh nyang mode keudua. Bak niet kon ka jipeubida. Meunyo lam dayah atawa peusantren wate meulaphai niet, Ushalli fardhan subhi raka'ataini adaan lillahi ta'ala, meunan ka woe dari dayah ka mulai balek niet jeut keu Ushalli fardhan subhi raka'ataini qadhaan lillahi ta'ala.
Teuman kon keubiet reuloh teuh. Kiban han qadhaan, teukeujot poh tujoh, bron keunoe keudeh dua go sahoe, jigese jarom panyang ka bak poh nam lom, ka seteungoh jeum abeh watee bak bron-bron nyan. Ka seuteungoh lapan.
Nyan golom jak u mon, toh 'iek ngon ek. Bek ta kheun manoe, sit ka mulai peuleuoh ju. Pu lom masa pre, manoe beungoh nyan barang langka that. Keunoe keudeh poh 8 beungoh baro jidong suboh. Khususan nyan. Dan bek neupike kiban, poh 8 nyan teumasok lam kawan bagah. Na nyang poh 10, dan na nyang peusigo ngon leuho. Teuman ek jeut keu raka'at nyan mmodel? Nyan meunyo tan geuyu buet sapu di rumoh.
That teubeh kiraju peukateun.
Nyang brat lom paloe, meunyoe na teungku nyang ka seumeubeut, ji duek peukateun nyan. Meunyo neu tree peuingat le droeneuh, na neuteupu pu geujaweub? Mangat meuteume amai surah qadha seumayang. Pu pap kiraju. Alah meupike na titel teungku, sangkira tan nah, sit meukhum ngon tapak sipatu.
Nyoe haba peuingat keudroe dan keu nyang baca dari Abang di Kutablu, bek neubalek, jeut keu Abu di Kutablang.
Neutulong muat hai Apa Raban, singoh ku bayeu kupi keu droeneuh sikhan.
Meunyo neu edit tulong bek brat-brat that, takot han meurasa bak ku seumipak.
Nan lon bek neutuleh sare bak ujong, kutakot jimita kuh le ureung gampong.
0 Response to "Beda Seumayang Suboh Aneuk Dayah Ngon Suboh Nyang Ka Teubiet Dari Dayah"
Post a Comment