Si Edi Jitimbak Lé Peulisi Bak Gatéh Lheuh Jigrôp Dari Rumoh Aceh
Nasaja Berita – Sigli, Unit Ranmor Polres Pidie sajan Opsnal Reskrim Pidie Jaya malam baroe teungöh malam Sabtu (7/9/2019) jijak timbak si Edi Nur (45 thôn) di gampôg Raboe, Seulimuem, Ace Rayek. Keujadian jih poh 3 malam.
Edi Nur nyan awak gampông Karieng, Keucamatan Grông-Grông, Pidie. Meunurôt info jitimbak seubab jiplueng watè jikeuneuk drop lé peulisi. Han ék jilét lé dipeulisi, th'up sineuk bak gatéh. Teutiek ju lam naleung.
Seugolom jih peutugaih peulisi kalheuh jitimbak u ateuh untuk peuingat atawa peu yöe si Edi Nur (meunyo ka han kadöng kutimbak). Keubiet han jidöng thum jitimbak. Soe salah. Meunan meunyo ta bayang keujadian nyan. Nasaja kiraju bak tabayang-bayang kadang ka nyo meunan. Meunyo kön kakeuh ban laén beurarti nyan inti jih ka lheuh jibie tembakan peringatan.
Meukumat busoe seu um nyan timang bak gatéh blah uneun Apa Edi Nur. Teuman kön hana meupu sapu. Lheuh jitimbak, jidrop lom nyan golom calitra jiteupuek, jiglueng, jiblôh-blôh lam naleung nyan. That na teuh.
"Watè kamoe keupông si Edi nyan lam rumôh Aceh, rupajih jigrôp dari rumoh. Leupah beuhö sigam pa'e nyab. Kamoe kalheuh meubrie tembakan peringatan, teuman tan jipatéh, jipiké alèh lheuh keu jih. Kakeuh jitakat ju bak gaki.
Meunanlah kira-kira geukheun lé Kasat Reskrim Polres Pidie, Iptu Eko Rendi Oktama SH, meunyo lam basa Aceh, Sabtu (7/9/2019). Teuman seubab kön bak awak Nasaja Berita geupeugah kakeuh kön lam basa Aceh, tapi nyang inti jih meunan.
Geupeugah lé Pak peulisi nyan si Edi Nur ka padum watèè ulikôt ka sebagoe DPO Polres Pidie dengœn Nomor DPO / 45 / VIII / Res 1 8 / 2019 / Reskrim, Tanggai 20 Agustuih 2019.
Jiteutapkan keu DPO seubab ka seuréng jih jak cue honda lam kawasan hukôm Polres Pidie.
Antara laén, di Bandar Baru Pidie Jaya ngön Padang Tiji, Pidie. Teuman pat laén kadang na sit, teuman hana laporan
"Jinoe Edi Nur ka kamoe theun dan peuaman jih lam sel Polres Pidie. Jih ka awai tamè bak puskesmas ilè mangat ji culék aneuk beudé lam gatéh jih. Lheuh nyan ka teuntè jibôh ubat ngön jipeurban. Hai perawatan secara medis," kheuh Pak Kasat nyan. (*)
Meunan Apa baca bak Serambinews beuklam.
Teuman nyang bèk neutanyöng pu ubat jibôh. Ka teuntè han meumada ngön betadine, pu lom jak péh ôn sikhôh-khôh ja tipèk bak gatéh jih. Ka kön ju nyan. Hana si teutôp lam lampôh soh jameun, atawa meukumat pha bak pageu gob. Nasaja kiraju, trôk keunan suah ta surah haba.
0 Response to "Si Edi Jitimbak Lé Peulisi Bak Gatéh Lheuh Jigrôp Dari Rumoh Aceh"
Post a Comment