Sampé Inoehat, Irwandi Yusuf Mantöng Teurimöng Gaji Dari Poemerintah
Nasaja Berita – Banda Aceh, Irwandi Yusuf atawa Bang Wandi geutanyoe ka jipeupiyôh siat dari kureusi gubernur Aceh lé Presiden Joko Widodo dari phôn tanggai 26 buleun 7 thôn 2019 (26/7/2019). Seubab bak tanggai nyan jiteubiet surat Keppres (Keputusan Presiden), kakeuh tanggai nyan phôn jihitông.
Teuman keu alasan pakön Bang Wandi jipeupiyôh kön hana suah ta peugah lé. Hana mangat meunyo ta ceuköt lé ata nyan nah. Hai meumasakah ngön KPK, jipeugah Irwandi Yusuf rôh korupsi pèng DOKA (Daerah Otonomi Khusus Aceh) 2018.
"Memberhentikan sementara H Irwandi Yusuf MSc sebagai Gubernur Aceh masa jabatan tahun 2017-2022 sampai dengan adanya putusan pengadilan yang telah berkekuatan hukum tetap," meunan asoe salah saboh poin Keppres nyan. Teuman meunyo ta peu Aceh nyan sang han paih. Beulagèè meutuléh ju nah. Lom pih, meuphôm lah bacut-bacut basa Indoneh ureung droeneuh.
Teuman nyang jeut keu soalan, pu keuh Irwandi mantöng geuteurimöng gaji dari poemerintah jinoe? Atawa ta balék tanyöng, pu keuh Irwandi mantöng na jatah gaji bak poemerintah? Nyan ban ta balék pertanyaan, seubab soe teupu gaji na jatah, teuman geucok nyang hana, bisa jadi na meunan. Teuman meunyo hana jatah kiban keuneuk cok pih, kakeuh hanjeut geucok, hai hana jatah. Ka cue atawa rampok jikheun, cok nyang kön ata jatah. Meunan jih, bèk salah teumanyöng, salah jawaban, meuramah dari uram sampoe bak ujông eunteuk.
Beh ka, teuman kian jawaban jih?
Geupeugah lé Keupala Biro atawa Karo Hukum Setda Aceh, Amrizal J Prang bak uroe Seulanyan (2/9/2019) baroesa, Irwadi mantöng na jatah gaji pokok dan tunjangan untuk aneuk seureuta untuk peurumoh. Nyan bèk lé neutanyöng purumoh nyang töh, hana suah trôh keunan ta plöh surah. Nasaja kiraju.
Seubab meunurôt nyang ka jiatô lé Undang-undang, nyang hanjeut lé tueng na keuh hak protokoler. Meunan meu atô dalam Pasal 75 ayat (3) UU Nomor 23/2014 teuntang Pemerintah Daerah.
“Kepala daerah dan/atau wakil kepala daerah yang dikenai sanksi pemberhentian sementara tidak mendapatkan hak protokoler serta hanya diberikan hak keuangan berupa gaji pokok, tunjangan anak, dan tunjangan istri/suami,” meunan asoe Pasal 75 ayat (3).
Nyan keuh meunan Apa rawi haba nyoe dari Serambinews nyang geutuléh lé Bang Masrizal. E han neupatéh nyang Apa peugah, kakeuh neu cukèh ju bak meutuléh Serambi nyan nyang wareuna ijô lagè ijô langèt. Biru meunyo lam basa indoneh.
0 Response to "Sampé Inoehat, Irwandi Yusuf Mantöng Teurimöng Gaji Dari Poemerintah"
Post a Comment